Foto: Polisia.kz
QR Ishki ister ministrligi "Zań jáne tártip" qaǵidatyn qamtamasyz etý maqsatynda "Qarasora – 2025" jedel aldyn alý is-sharasyn jalǵastyryp jatyr. Bul shara esirtki ainalymyna, sonyń ishinde quramynda esirtki bar ósimdikterdi egý men ósirýge qarsy baǵyttalǵan, – dep habarlaidy Ult.kz Polisia.kz-ke silteme jasap.
Jambyl oblysynda 40 jastaǵy jergilikti turǵyn ustaldy. Onyń aýlasynan kannabis ósimdikteri tabyldy. Úiin tekserý kezinde keptirilgen jáne keptirilmegen marihýananyń 144 túbi alyndy. Jalpy salmaǵy – 240 keli. Barlyq tárkilengen esirtkiniń salmaǵy 239 keli boldy.
Ulytaý oblysynda taǵy bir azamat qolǵa tústi. Odan marihýana men gashish alyndy. Jalpy salmaǵy 20 keliden asty.
Qaraǵandy qalasynda ońtústik óńirlerden jetkiziletin esirtki arnasy toqtatyldy. Temirjol vokzaly mańynda 75 jastaǵy er adam ustaldy. Odan gashish pen marihýana tabyldy. Jalpy salmaǵy shamamen 10 kelini quraidy. Kóligin tekserý kezinde júksalǵyshynan taǵy eki briket marihýana shyqty. Anyqtalǵandai, salmaǵy 20 keli shamasynda boldy.
"Biyl IIM 4 655 esirtki qylmysyn áshkereledi. Zańsyz ainalymnan 11 tonnadan astam esirtki alyndy. Onyń ishinde 1 tonnadan astamy sintetikalyq zattar bar. Sintetikalyq esirtki jasaityn 11 zerthana joiyldy. 24 tonna himiialyq zat tárkilendi. Onyń 6 tonnadan astamy – prekýrsorlar. Esirtki jarnamasyna qatysty 105 qylmystyq is qozǵaldy. Esirtki men psihotroptyq zattardy nasihattaǵan 20 myńǵa jýyq internet-resýrs buǵattaldy", - dedi QR IIM esirtki qylmysyna qarsy is-qimyl komiteti tóraǵasynyń orynbasary Qýandyq Áljanov.
