فوتو: Polisia.kz
قر ٸشكٸ ٸستەر مينيسترلٸگٸ "زاڭ جەنە تەرتٸپ" قاعيداتىن قامتاماسىز ەتۋ ماقساتىندا "قاراسورا – 2025" جەدەل الدىن الۋ ٸس-شاراسىن جالعاستىرىپ جاتىر. بۇل شارا ەسٸرتكٸ اينالىمىنا, سونىڭ ٸشٸندە قۇرامىندا ەسٸرتكٸ بار ٶسٸمدٸكتەردٸ ەگۋ مەن ٶسٸرۋگە قارسى باعىتتالعان, – دەپ حابارلايدى Ult.kz Polisia.kz-كە سٸلتەمە جاساپ.
جامبىل وبلىسىندا 40 جاستاعى جەرگٸلٸكتٸ تۇرعىن ۇستالدى. ونىڭ اۋلاسىنان كاننابيس ٶسٸمدٸكتەرٸ تابىلدى. ٷيٸن تەكسەرۋ كەزٸندە كەپتٸرٸلگەن جەنە كەپتٸرٸلمەگەن ماريحۋانانىڭ 144 تٷبٸ الىندى. جالپى سالماعى – 240 كەلٸ. بارلىق تەركٸلەنگەن ەسٸرتكٸنٸڭ سالماعى 239 كەلٸ بولدى.
ۇلىتاۋ وبلىسىندا تاعى بٸر ازامات قولعا تٷستٸ. ودان ماريحۋانا مەن گاشيش الىندى. جالپى سالماعى 20 كەلٸدەن استى.
قاراعاندى قالاسىندا وڭتٷستٸك ٶڭٸرلەردەن جەتكٸزٸلەتٸن ەسٸرتكٸ ارناسى توقتاتىلدى. تەمٸرجول ۆوكزالى ماڭىندا 75 جاستاعى ەر ادام ۇستالدى. ودان گاشيش پەن ماريحۋانا تابىلدى. جالپى سالماعى شامامەن 10 كەلٸنٸ قۇرايدى. كٶلٸگٸن تەكسەرۋ كەزٸندە جٷكسالعىشىنان تاعى ەكٸ بريكەت ماريحۋانا شىقتى. انىقتالعانداي, سالماعى 20 كەلٸ شاماسىندا بولدى.
"بيىل ٸٸم 4 655 ەسٸرتكٸ قىلمىسىن ەشكەرەلەدٸ. زاڭسىز اينالىمنان 11 توننادان استام ەسٸرتكٸ الىندى. ونىڭ ٸشٸندە 1 توننادان استامى سينتەتيكالىق زاتتار بار. سينتەتيكالىق ەسٸرتكٸ جاسايتىن 11 زەرتحانا جويىلدى. 24 توننا حيمييالىق زات تەركٸلەندٸ. ونىڭ 6 توننادان استامى – پرەكۋرسورلار. ەسٸرتكٸ جارناماسىنا قاتىستى 105 قىلمىستىق ٸس قوزعالدى. ەسٸرتكٸ مەن پسيحوتروپتىق زاتتاردى ناسيحاتتاعان 20 مىڭعا جۋىق ينتەرنەت-رەسۋرس بۇعاتتالدى", - دەدٸ قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى قۋاندىق ەلجانوۆ.
