QR Ishki ister ministrligi Tergeý departamentiniń bastyǵy Sanjar Ádilov qańtar oqiǵasy kezinde urlanǵan qarýdy izdeý jáne tárkileý jumystary týraly aityp berdi, dep habarlaidy QazAqparat.
«Urlanǵan qarýdy izdeý jáne alý boiynsha maqsatty jedel-izdestirý is-sharalary jalǵasýda. Qazirgi ýaqytta jalpy sany 1069 dana qarý alyndy, onyń ishinde 123 avtomat, 231 tapansha, 263 tegis uńǵyly myltyq, 84 birlik kesilgen qarý, 168 granata, 9 granatomet pen 2 pýlemet. Odan basqa 21759 oq-dári tabyldy jáne alyndy», - dedi Ádilov Ortalyq kommýnikatsiialar qyzmetinde ótken brifingte.
QR IIM ókili túsindirý jumysynan keiin turǵyndar 100-den artyq qarýdy óz erkimen tapsyrǵanyn atap ótti.
«Osyǵan bailanysty azamattardy kúdikti adamdar, atys jáne sýyq qarýdy zańsyz saqtaý men satý týraly belgili aqparatty politsiiaǵa habarlaýdy taǵy da suraimyz. Qylmystyq elementter zańsyz ainalymǵa túsken qarýdy kez kelgen ýaqytta beibit azamattarǵa qarsy qoldana alady», - dedi Sanjar Ádilov.
