2021 jyldyń 1-toqsanynda jańa psihoaktivti zattardy taratýdyń 369 faktisiniń joly kesildi. Bul týraly QR IIM Esirtki qylmysyna qarsy is-qimyl departamentiniń basqarma bastyǵy Berikhan Nurǵaliev aitty, dep habarlaidy QazAqparat.
«Osy jyldyń 1-toqsanynda jańa psihoaktivti zattardy taratýdyń 369, onyń 173 satý jáne 39 saqtaý faktisiniń joly kesildi. Zańsyz ainalymǵa 25 keliden astam esirtki jiberilgen joq. Nur-Sultan, Shymkent, Almaty qalalarynda, Shyǵys Qazaqstan, Pavlodar, Almaty, Atyraý jáne Aqmola oblystarynda sintetikalyq esirtkiniń iri partiiasy tárkilendi», - dedi ol IIM baspasóz qyzmeti alańynda ótken brifing barysynda.
Máselen, onyń aitýynsha, naýryzda Almatydaǵy túngi klýbtardyń birinde arnaýly operatsiia júrgizildi. Onyń barysynda klýb kelýshileri arasynda sintetikalyq esirtki jaratqan eki jigit ustaldy.
«Olar klientterden tólemdi onlain aýdarý arqyly alyp otyrǵan. Satýshydan jáne klýbqa kelýshilerdiń birinen býyp-túiilgen mefodron alyndy. Kúdiktilerdiń páterin tintý barysynda satýǵa daiyndalǵan sintetikalyq esirtki jáne býyp-túiýge qajetti qural-jabdyqtar tabyldy. Esirtkiniń taralýynyń aldyn alý is-sharasyn qabyldamaǵan klýb iesine ákimshilik hattama toltyryldy», - dedi Berikhan Nurǵaliev.
