Foto: Polisia.kz
IIM intimdik sipattaǵy qyzmet kórsetetin pritondarǵa qatysty aýqymdy tekserý jumystaryn júrgizip jatyr, – dep habarlaidy Polisia.kz.
Media-portal málimetinshe, reidterdi ótkizýdiń alǵashqy táýliginde jezókshelikpen ainalysý úshin úi-jailar berýdiń 70-ten astam faktisi anyqtalǵan.
"Kináli tulǵalar QR ÁQBtK-niń 450-shi baby (Kórineý jezókshelikpen ainalysý nemese jeńgetailyq úshin úi-jailar usyný) boiynsha ákimshilik jaýapkershilikke tartyldy, onda júzden myńǵa deiingi ailyq eseptik kórsetkish mólsherinde aiyppul salý kózdelgen.
5 jeńgetailyq faktisi anyqtaldy. Sonymen qatar jedel-profilaktikalyq is-sharalar júrgizý barysynda buryn jasalǵan, Semei qalasynyń turǵynynan urlanǵan 3 mln teńge aqsha urlyǵy deregi ashyldy. Er adamnyń banktik kartasyn intimdik qyzmet kórsetken qyz urlap alyp, aqshalai qarajatqa ainaldyrǵan" - delingen habarlamada.
Taǵy bir mysal, Túrkistan oblysynda 18 jyl boiy habar-osharsyz ketken adam retinde izdeýde júrgen áiel Atyraý oblysynan tabylǵan.
"Suraý barysynda ol 2005 jyly, 16 jasynda ata-anasymen bolǵan janjalǵa bailanysty úiden ketip, ártúrli qalalarda turǵany anyqtaldy. Sodan beri ol jaqyndarymen aralaspaǵan. Almaty jáne Shymkent qalalarynda túrli mekemelerde tazalaýshy bolyp jumys istegen. Al birneshe kún buryn Qulsary qalasyna kelgen. Atalǵan derek boiynsha Túrkistan oblysynyń politsiia departamentine dereý habar berilip, azamat týystarymen bailanysqa shyqty. Jeke basyn kýálandyratyn qujattary joq azamat qazirgi tańda politsiia baqylaýynda. Ony týystaryna jiberý úshin tiisti sharalar qabyldanyp, quqyqtyq keńes berildi.
Uiymdasqan qylmysqa qarsy kúres bólinisteri qylmystyq jáne ákimshilik politsiiamen birlesip reidtik is-sharalardy jalǵastyrady" - delingen media-portal málimetinde.
