Foto: Polisia.kz
Qazaqstan Respýblikasynyń Ishki ister ministrligi jazǵy demalys qarsańynda oqýshylar men stýdentterge úndeý jasap, internettegi kúmándi tabys kózderinen saq bolýǵa shaqyrdy, dep habarlaidy Ult.kz.
Polisia.kz málimetinshe, demalys kezinde áleýmettik jeliler men messendjerlerde «jeńil ári tez tabys» usynatyn habarlamalar kóbeiedi. Alaida olardyń artynda esirtki tasymaldaý, taratý nemese jarnamalaý sekildi zańsyz áreketter turýy múmkin.
IIM mundai áreketterdiń aýyr qylmys sanalatynyn eskertti. Vedomstvo málimetine sáikes, esirtkige qatysty qylmystar úshin qylmystyq jaýapkershilik 16 jastan bastalady. Kei jaǵdaida ómir boiyna bas bostandyǵynan aiyrý jazasy qarastyrylǵan.
Qýandyq Áljanov jastardy kúmándi usynystardan birden bas tartýǵa shaqyrdy.
– Bir ǵana «jeńil tabys» búkil ómirińizge áser etýi múmkin. Erkindik aqshadan qymbat, al bolashaq ýaqytsha paidadan mańyzdy, – dedi ol.
IIM jastarǵa sanaly tańdaý jasap, qaýipsizdik sharalaryn saqtaýǵa keńes berdi.
