Foto: Polisia.kz
Jalpy el boiynsha 326 loto klýb qyzmetine tosqaýyl qoiyldy, – dep habarlaidy "Ult aqparat" Polisia.kz media-portalyna silteme jasap.
Sońǵy jyldary elimizde lýdomaniia beleń alyp otyr. Bul – qumar oiyndarǵa patologiialyq táýeldilik. Azartqa berilýdiń sońy áleýmettik-materialdyq qundylyqtardyń tómendeýine, tipti keide qylmys jasaýǵa túrtki bolýy múmkin.
Resmi derekterge sáikes, Qazaqstanda qumar oiyndaryna salynǵan 350 myńdai adam bar. Olardyń árbiriniń ortasha qaryzy shamamen 10 mln teńgeni quraidy.
Aqsha tigip, toqtai almaýdyń saldary elde erli-zaiyptylardyń ajyrasýyna, qumar oiynǵa qunyqqandardyń ózine-ózi qol jumsaýyna ákep soǵýda. Sondyqtan bul másele búginde ózekti jáne memleket nazarynda.
Media-portal málimetinshe, 13 qańtarda Ishki ister ministrligi Ulttyq qaýipsizdik komitetimen birlesip, Bas prokýratýranyń úilestirýimen lotereia klýbtarynyń atymen jumys isteitin zańsyz onlain-kazinolardyń iri jelisin joidy. Eń aýqymdy birlesken arnaiy operatsiiany júrgizýge Ishki ister ministrligi men Ulttyq qaýipsizdik komitetiniń úsh myńnan astam qyzmetkeri jumyldyrylǵan.
"Jedel ázirleme orbitasynda kriminalitet ókilderi de boldy, olar oiyn mekemelerine qylmystyq yqpal jáne qamqorlyq etken, sondai-aq loto klýb qyzmetkerleri men klientterine qatysty qylmystar jasaǵan.
Zańsyz oiyn qyzmetinen basqa, VIP-klientterge intimdik qyzmetterdi uiymdastyrý, jeńgetailyq jáne esirtki zattaryn paidalaný faktileri tirkeldi.
Arnaiy operatsiia barysynda politsiiaǵa 400-den astam adam jetkizildi. Negizgi qylmystyq shemany uiymdastyrǵan segiz adam, onyń ishinde alys jáne jaqyn shetel azamattary ustaldy", – dedi QR IIM Uiymdasqan qylmysqa qarsy kúres departamentiniń basqarma bastyǵy Qýandyq Alpys.
Respýblika boiynsha loto klýbtarǵa 570 tintý júrgizilgen. 23 birlik atys jáne travmatikalyq qarý, 247 mln teńge, 55 mln Resei rýbli, 125 myń AQSh dollary, kompiýterlik tehnika, mobildi qurylǵylar, sondai-aq basqa da zattai dáleldemeler tárkilengen.
Nátijesinde elde barlyǵy 326 loto klýb qyzmetiniń joly kesildi. Shetelden onlain-kazino taratatyn serverler anyqtalyp, buǵattaldy. Ákimshilerdiń oiyn barysyna yqpal etip, rettep otyrǵany belgili boldy. Buryn júrgizilgen saraptamalar ustalǵan adamdardyń zańsyz áreketterin rastady.
"Sotqa deiingi tergep-tekserý barysynda bir ǵana óńirdiń loto klýbtarynyń ai saiynǵy jiyntyq tabysy orta eseppen 300 mln teńgeni quraityny anyqtaldy, sáikesinshe elimizdiń barlyq óńirlerinen shamamen 6 mlrd teńgeni quraǵan. Bul rette aqsha qarajatynyń shamamen 70% shetelge shyǵarylǵan. Uiymdastyrýshylardyń bireýiniń ǵana banktik shotyna ai saiyn shamamen 900 mln teńge túsip otyrǵan.
Tergeýdi IIM tergeý departamenti Qylmystyq kodekstiń birneshe baptary boiynsha júrgizýde, figýranttarǵa uiymdasqan qylmystyq top qurý, oǵan basshylyq etý jáne qatysý aiyby taǵylyp otyr.
Basqa málimetter jariialaýǵa jatpaidy", – deidi Qýandyq Alpys.
