Qazaqstan ishki ister ministrliginiń baspasóz hatshysy Nurdildá Oraz Qordaidaǵy jantúrshigerlik apatqa qatysty túsinikteme berdi, dep habarlaidy "Ult aqparat".
Orazdyń málimetinshe, 20 sáýir kúni tańerteń Almaty – Tashkent avtojolynyń 181-shi kilometrinde Toyota, júk kóligi jáne jolaýshylar avtobýsy iri jol apatyna ushyrady.
Aldymen Toyota avtokóligi jol jieginde turǵan júk kóligin soqqan. Tasjolda kele jatqan jolaýshylar avtobýsy apatqa ushyraǵan kólikti ainalyp ótemin dep aýdarylyp ketken.
"Qordaidaǵy qaiǵyly jol-kólik apaty saldarynan 11 adam qaza tapty, 29-y aýrýhanada jatyr (...).Oblys ákimdigi jedel shtab jumysyn uiymdastyrdy, oblystyń tótenshe jaǵdailar departamentinde qaýyrt jeli ashyldy, onda psihologtar kezekshilik jasaidy. Ishki ister ministriniń tapsyrmasy boiynsha IIIM men oblystyq politsiia departamenti qyzmetkerlerinen jedel tergeý toby quryldy", - dedi Oraz videoúndeýde.
Apat saldarynan oqiǵa ornynda segiz adam kóz jumdy, 32 adam aýrýhanaǵa jetkizildi, alǵan jaraqatynan taǵy úsh adam jan tapsyrdy. Jol apaty bolǵan jerde barlyq qutqarý qyzmeti jumys istep jatyr.
Politsiia 11 adamnyń ómirin jalmaǵan Jambyl oblysyndaǵy jol-kólik oqiǵasyn tergeýdi bastady.
