QR Ishki ister ministrligi «qazaqstandyqtar 2021 jylǵy 1 qańtardan bastap saýsaq izin tapsyrýǵa mindetti» degen aqparatty joqqa shyǵardy, dep habarlaidy "Ult aqparat".
«2021 jylǵy 1 qańtardan bastap qazaqstandyqtar saýsaq izin tapsyrýǵa mindetti» dep «Eýraziia birinshi arnasy» taratqan aqparat eski aqparat ekenin jáne shyndyqqa sáikes kelmeitinin habarlaimyz. Kóshi-qon qyzmeti komiteti ókiliniń suhbatyn tilshi 22 qazanda jazyp alǵan. Keiin osy rásimdi qoldanysqa engizý merzimin aýystyrý týraly sheshim qabyldandy» delingen vedomstvonyń túsiniktemesinde.
Osyǵan bailanysty Ishki ister ministrligi osy aqparatty taratpaýdy, mekemeniń búgin beriletin resmi túsiniktemesin kútýdi suraidy.
