Foto: Polisia.kz
Eki óńirde aqbókenderdi zańsyz aýlaǵan brakonerler ustaldy, dep habarlaidy Ult.kz.
2025 jylǵy 29 tamyzda jedel-izdestirý is-sharalary barysynda Qaraǵandy oblysynyń kriminaldyq politsiia qyzmetkerleri Ishki ister ministrliginiń úilestirýimen aqbókenderdiń derivattaryn odan ári ótkizý maqsatynda olardy zańsyz aýlaýmen ainalysqan úsh adamnan turatyn brakonerlik qylmystyq topty ustady.
Ustalǵandardan jalpy salmaǵy shamamen 400 kelini quraityn 1 127 aqbóken múiizi, sondai-aq eki tegis uńǵyly myltyq tárkilendi.
Kúdiktilerdi jáne olardyń bailanystaryn odan ári tekserý barysynda ótken jyldyń 24 jeltoqsanynda Pavlodar oblysynda Resei Federatsiiasymen memlekettik shekarada eki adamnan turatyn brakonerlerdiń ekinshi toby ustaldy. Olardyń biri — shetel azamaty.
Atalǵan tulǵalar memlekettik shekara arqyly shamamen 2 myń (1 882) aqbóken múiizin kontrabandalyq jolmen alyp ótpek bolǵan. Zańsyz júk kóliginiń arnaiy jabdyqtalǵan jasyryn ornyna aldyn ala jasyrylǵan.
Atalǵan faktiler boiynsha qylmystyq is qozǵalyp, sotqa deiingi tergep-tekserý júrgizilýde.
