فوتو: Polisia.kz
ەكٸ ٶڭٸردە اقبٶكەندەردٸ زاڭسىز اۋلاعان براكونەرلەر ۇستالدى, دەپ حابارلايدى Ult.kz.
2025 جىلعى 29 تامىزدا جەدەل-ٸزدەستٸرۋ ٸس-شارالارى بارىسىندا قاراعاندى وبلىسىنىڭ كريمينالدىق پوليتسييا قىزمەتكەرلەرٸ ٸشكٸ ٸستەر مينيسترلٸگٸنٸڭ ٷيلەستٸرۋٸمەن اقبٶكەندەردٸڭ دەريۆاتتارىن ودان ەرٸ ٶتكٸزۋ ماقساتىندا ولاردى زاڭسىز اۋلاۋمەن اينالىسقان ٷش ادامنان تۇراتىن براكونەرلٸك قىلمىستىق توپتى ۇستادى.
ۇستالعانداردان جالپى سالماعى شامامەن 400 كەلٸنٸ قۇرايتىن 1 127 اقبٶكەن مٷيٸزٸ, سونداي-اق ەكٸ تەگٸس ۇڭعىلى مىلتىق تەركٸلەندٸ.
كٷدٸكتٸلەردٸ جەنە ولاردىڭ بايلانىستارىن ودان ەرٸ تەكسەرۋ بارىسىندا ٶتكەن جىلدىڭ 24 جەلتوقسانىندا پاۆلودار وبلىسىندا رەسەي فەدەراتسيياسىمەن مەملەكەتتٸك شەكارادا ەكٸ ادامنان تۇراتىن براكونەرلەردٸڭ ەكٸنشٸ توبى ۇستالدى. ولاردىڭ بٸرٸ — شەتەل ازاماتى.
اتالعان تۇلعالار مەملەكەتتٸك شەكارا ارقىلى شامامەن 2 مىڭ (1 882) اقبٶكەن مٷيٸزٸن كونتراباندالىق جولمەن الىپ ٶتپەك بولعان. زاڭسىز جٷك كٶلٸگٸنٸڭ ارنايى جابدىقتالعان جاسىرىن ورنىنا الدىن الا جاسىرىلعان.
اتالعان فاكتٸلەر بويىنشا قىلمىستىق ٸس قوزعالىپ, سوتقا دەيٸنگٸ تەرگەپ-تەكسەرۋ جٷرگٸزٸلۋدە.
