Ishki ister ministrligi Sert» atty respýblikalyq detektivtik shyǵarmalar konkýrsyn jariialady, dep habarlaidy "Ult aqparat".
«Endi buqaralyq aqparat quraldarynyń ókilderine, jazýshylarǵa, quqyq qorǵaý qurylymdarynyń ardagerlerine jáne barlyq shyǵarmashylyq ortaǵa paidaly bolatyn taǵy bir aqparat: IIM Qazaqstan tarihynda alǵash ret «Sert» respýblikalyq detektivtik shyǵarmalar konkýrsyn uiymdastyrýdy qolǵa aldy. Konkýrs Qazaqstan Respýblikasy Táýelsizdiginiń 30 jyldyǵyn merekeleý sheńberinde ótkiziledi. Baiqaýdyń maqsaty – halyqtyń quqyqtyq sanasy men quqyqtyq mádenietin, sondai-aq qazaqstandyq patriotizmdi arttyrý. Ishki ister organdarynyń qyzmetkerlerin Otanǵa qaltqysyz qyzmet etýge, ant pen qyzmettik paryzǵa adal bolýǵa tárbieleý», - dedi IIM resmi ókili Nurdildá Oraz onlain baspasóz máslihatynda.
Konkýrs erejelerimen Ishki ister ministrliginiń resmi paraqshasynda, áleýmettik jeliler men Politsiia.kz saitynda tanysýǵa bolady. Baiqaý qorytyndysyn elimizge tanymal aqyn-jazýshylar, synshylar men ádebiettanýshylar, qoǵam qairatkerleri, jýrnalister jáne ishki ister organdarynyń ardagerleri shyǵarady.
