Foto: Polisia.kz
Ishki ister ministrligi qorshaǵan ortany lastaǵan quqyq buzýshylardy beinekameralar arqyly anyqtap, jazalaý jumystaryn kúsheitýde. Qoǵamdyq oryndardy lastaý áreketterinen bastap zańsyz qoqys tastaǵanǵa deiingi ekologiialyq quqyq buzýshylyqtardy tirkeý boiynsha zamanaýi tehnologiialar óz tiimdiligin kórsetip otyr, dep habarlaidy Ult.kz.
Mysaly, Aqtóbede 20 jastaǵy jigit kópqabatty úidiń baspaldaq alańyna túkirgeni úshin beinekamera arqyly anyqtalyp, aiyppul tóledi. Pavlodarda kóshede temeki qaldyǵyn tastaǵan er adam da kameraǵa túsip qalyp, ákimshilik jaýapkershilikke tartyldy. Taǵy bir oqiǵada eki turǵyn qoqys jáshiginiń janynda turyp, temeki tuqylyn jolǵa laqtyrǵany úshin usaq buzaqylyq boiynsha jazalandy.
2025 jyldyń basynan beri osy baǵytta 54 myńnan astam ákimshilik quqyq buzýshylyq anyqtalǵan. Statistika boiynsha, 2023 jyly respýblika kóleminde 1,3 million beinekamera jumys istegen bolsa, onyń 275 myńy politsiianyń jedel basqarý ortalyqtaryna qosylǵan. Al 2024 jyly kamera sany 1,5 millionǵa deiin ósti, onyń ishinde 340 myńy quqyq qorǵaý organdaryna shyǵarylǵan.
Beinekameralar quqyq buzýshylyqtardy jedel anyqtap, dálel jinaýǵa, sondai-aq qylmystardyń aldyn alýǵa múmkindik beredi. Ishki ister ministrligi qoǵamda "Zań men Tártip" qaǵidatyn nyǵaitý maqsatynda "Taza Qazaqstan" aktsiiasy aiasynda jumysty belsendi túrde jalǵastyrýda.
