فوتو: Polisia.kz
ٸشكٸ ٸستەر مينيسترلٸگٸ قورشاعان ورتانى لاستاعان قۇقىق بۇزۋشىلاردى بەينەكامەرالار ارقىلى انىقتاپ, جازالاۋ جۇمىستارىن كٷشەيتۋدە. قوعامدىق ورىنداردى لاستاۋ ەرەكەتتەرٸنەن باستاپ زاڭسىز قوقىس تاستاعانعا دەيٸنگٸ ەكولوگييالىق قۇقىق بۇزۋشىلىقتاردى تٸركەۋ بويىنشا زاماناۋي تەحنولوگييالار ٶز تيٸمدٸلٸگٸن كٶرسەتٸپ وتىر, دەپ حابارلايدى Ult.kz.
مىسالى, اقتٶبەدە 20 جاستاعى جٸگٸت كٶپقاباتتى ٷيدٸڭ باسپالداق الاڭىنا تٷكٸرگەنٸ ٷشٸن بەينەكامەرا ارقىلى انىقتالىپ, ايىپپۇل تٶلەدٸ. پاۆلوداردا كٶشەدە تەمەكٸ قالدىعىن تاستاعان ەر ادام دا كامەراعا تٷسٸپ قالىپ, ەكٸمشٸلٸك جاۋاپكەرشٸلٸككە تارتىلدى. تاعى بٸر وقيعادا ەكٸ تۇرعىن قوقىس جەشٸگٸنٸڭ جانىندا تۇرىپ, تەمەكٸ تۇقىلىن جولعا لاقتىرعانى ٷشٸن ۇساق بۇزاقىلىق بويىنشا جازالاندى.
2025 جىلدىڭ باسىنان بەرٸ وسى باعىتتا 54 مىڭنان استام ەكٸمشٸلٸك قۇقىق بۇزۋشىلىق انىقتالعان. ستاتيستيكا بويىنشا, 2023 جىلى رەسپۋبليكا كٶلەمٸندە 1,3 ميلليون بەينەكامەرا جۇمىس ٸستەگەن بولسا, ونىڭ 275 مىڭى پوليتسييانىڭ جەدەل باسقارۋ ورتالىقتارىنا قوسىلعان. ال 2024 جىلى كامەرا سانى 1,5 ميلليونعا دەيٸن ٶستٸ, ونىڭ ٸشٸندە 340 مىڭى قۇقىق قورعاۋ ورگاندارىنا شىعارىلعان.
بەينەكامەرالار قۇقىق بۇزۋشىلىقتاردى جەدەل انىقتاپ, دەلەل جيناۋعا, سونداي-اق قىلمىستاردىڭ الدىن الۋعا مٷمكٸندٸك بەرەدٸ. ٸشكٸ ٸستەر مينيسترلٸگٸ قوعامدا "زاڭ مەن تەرتٸپ" قاعيداتىن نىعايتۋ ماقساتىندا "تازا قازاقستان" اكتسيياسى اياسىندا جۇمىستى بەلسەندٸ تٷردە جالعاستىرۋدا.
