- Astanadaǵy №59-shy mektepte kóz jumǵan Temirlan Diqanbaevtiń isine qatysty saraptamalyq jumys aiaqtaldy.
Bul týraly búgin Májilistegi jalpy otyrys barysynda tilshiler saýalyna jaýap bergen QR Ishki ister ministri Qalmuhanbet Qasymov málim etti, dep habarlaidy "Ult aqparat".
«Saraptamanyń qorytyndysyn biz aldyq. Qazirgi kezde tiisti sheshim qabyldaimyz. Er balaǵa qatysty tergeý toqtatylady, al muǵalimderge qatysty áli de qarastyramyz, búginde tekserý júrip jatyr», - dedi Qasymov.
Onyń sózine qaraǵanda, saraptama balanyń ólimi neden bolǵanyn naqty aiqyndap bergen.
Esterińizge sala keteiik, ótken jyly qarasha aiynyń sońynda elordalyq oqýshy Temirlan Diqanbaevtyń ólimine bailanysty sotqa deiingi tergeý amaldary bastalǵan bolatyn. Osy oraida balanyń ólim sebepterin anyqtaý úshin sot-meditsinalyq saraptama taǵaiyndaldy.
Buǵan deiin BAQ betterinde marqum T. Diqanbaevtyń týystary balanyń tóbelesten kóz jumǵany habarlanǵan bolatyn. Osy oraida olar Temirlan synyptasymen tóbeles saldarynan qaitys bolǵanyn jetkizdi.
Temirlandy ajaldan arashalaý úshin mekteptiń medbikesi kómek kórsetkenimen, jasóspirim esin jimastan kóz jumǵan.
