IIM atys qarýlary saqtalǵan 97 qoimany joidy, - dep habarlaidy "Ult aqparat" Polisia.kz saityna silteme jasap.
Ishki ister ministrligi zańsyz ainalymnan atys qarýy men oq-dárilerdi, onyń ishinde qańtarda oryn alǵan jappai tártipsizdikter kezeńinde urlanǵan zattardy alyp qoiý jóninde maqsatty sharalar qabyldap jatyr.
"Kriminaldyq politsiia IIO qyzmetterimen birlesip júrgizgen jedel-izdestirý is-sharalarynyń nátijesinde, zańsyz ainalymnan 1268 birlik atys qarýy, onyń ishinde 127 avtomat, 1 pýlemet, 395 tapansha, 144 oiyq karabin, 414 tegis uńǵyly myltyq, sondai-aq 238 granat jáne 33 myńnan astam túrli kalibrli oq-dári tárkilendi", - delingen habarlamada.
Atys qarýyn zańsyz saqtaǵany jáne alyp júrgeni úshin 319 adam ustaldy jáne qamaýǵa alyndy, onyń ishinde 22 qylmysker ustaldy. Júrgizilgen arnaiy operatsiialar barysynda atys qarýlary saqtalǵan 97 qoima joiyldy.
18 naýryzda IIM Kriminaldyq politsiia departamentiniń jáne Almaty qalasy PD qyzmetkerleri jedel ázirleý jumystaryn júrgizý kezinde Almaty turǵyny ustaldy. Odan 223 kalibrli SL-8, 5 tegis uńǵyly myltyq, FAIR úlgisindegi iir oiyqty myltyq, 12 kalibrli, Ata Arms modeliniń 2 birligi, 12 kalibrli FRENSHI modeliniń 2 birligi, sondai-aq qańtar oqiǵasy kezeńinde Almaty qalasynyń "Qorǵan" ańshylyq dúkeninen urlanǵan ań aýlaýǵa arnalǵan sý asty eki myltyq tárkilendi.
12 naýryzda Almaty qalasy Kerei-Jánibek handar kóshesindegi "Medeus Villa" qonaqúiiniń syrtyndaǵy orman beldeýinen qoima tabyldy, onyń ishinen 3 tapansha, 15 granata, 229 túrli kalibrli patron jáne eki oq-dári alynyp, tárkilendi.
Barlyq derek boiynsha sotqa deiingi tergeý amaldary júrgizilip jatyr.
