Jarylys saldarynan Arys qalasyndaǵy úi-jailar men ǵimarattardyń 80-90 paiyzyna ártúrli deńgeidegi zaqym kelgen, dep habarlaidy QazAqparat tilshisi.
«Búgin saǵat 15.00-de oqiǵa ornynda jumys júrgizip jatqan saperlar 24 snariad pen snariadtardyń qaýipti 104 fragmenti anyqtaldy. Olardyń barlyǵy oqiǵa ornynda qoldan jaryldy nemese syrtqa shyǵarylyp, zalalsyzdandyryldy. Ǵimarattar men úi-jailardyń barlyǵynyń sany 7600. Kóp jaǵdaida olardyń shatyry nemese terezesi synǵan. Alaida odan da qatty aqaý keltirilgen nysandar barshylyq. Ókinishke qarai, azamattardyń ózderi ártúrli jailardy syltaý etip, qalaǵa kirýdiń amalyn baǵyp jatyr. Turǵyndar qalaǵa barýǵa asyqpasa eken deimiz. Sebebi, áli de zalalsyzdandyrylmaǵan snariadtar bar. Olar eń úlken qaýipke ákelýi ábden múmkin», - dedi QR IIM Tótenshe jaǵdailar departamentiniń tóraǵasy Vladimir Bekker «24.kz» arnasynan tikelei efirde.
Eske sala ketsek, Arys qalasyndaǵy áskeri bólimniń qoimasynda keshe tańerteń jarylys bolǵandyǵy týraly habarlaǵan bolatynbyz. 85 Apat saldarynan eki adam mert boldy.
