جارىلىس سالدارىنان ارىس قالاسىنداعى ٷي-جايلار مەن عيماراتتاردىڭ 80-90 پايىزىنا ەرتٷرلٸ دەڭگەيدەگٸ زاقىم كەلگەن, دەپ حابارلايدى قازاقپارات تٸلشٸسٸ.
«بٷگٸن ساعات 15.00-دە وقيعا ورنىندا جۇمىس جٷرگٸزٸپ جاتقان ساپەرلار 24 سنارياد پەن سناريادتاردىڭ قاۋٸپتٸ 104 فراگمەنتٸ انىقتالدى. ولاردىڭ بارلىعى وقيعا ورنىندا قولدان جارىلدى نەمەسە سىرتقا شىعارىلىپ, زالالسىزداندىرىلدى. عيماراتتار مەن ٷي-جايلاردىڭ بارلىعىنىڭ سانى 7600. كٶپ جاعدايدا ولاردىڭ شاتىرى نەمەسە تەرەزەسٸ سىنعان. الايدا ودان دا قاتتى اقاۋ كەلتٸرٸلگەن نىساندار بارشىلىق. ٶكٸنٸشكە قاراي, ازاماتتاردىڭ ٶزدەرٸ ەرتٷرلٸ جايلاردى سىلتاۋ ەتٸپ, قالاعا كٸرۋدٸڭ امالىن باعىپ جاتىر. تۇرعىندار قالاعا بارۋعا اسىقپاسا ەكەن دەيمٸز. سەبەبٸ, ەلٸ دە زالالسىزداندىرىلماعان سناريادتار بار. ولار ەڭ ٷلكەن قاۋٸپكە ەكەلۋٸ ەبدەن مٷمكٸن», - دەدٸ قر ٸٸم تٶتەنشە جاعدايلار دەپارتامەنتٸنٸڭ تٶراعاسى ۆلاديمير بەككەر «24.كز» ارناسىنان تٸكەلەي ەفيردە.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا كەشە تاڭەرتەڭ جارىلىس بولعاندىعى تۋرالى حابارلاعان بولاتىنبىز. 85 اپات سالدارىنان ەكٸ ادام مەرت بولدى.
