Ulybritaniia patshaiymy II Elizavetanyń zaiyby hanzada Filipp aýrýhanaǵa tústi. Bul týraly Býkingem saraiy málim etti, dep habarlaidy Euronews agenttigi.
«99 jastaǵy Edinbýrg gertsogy densaýlyǵy nashar bolǵandyqtan London aýrýhanasyna jatqyzyldy. Ol «birneshe kún baqylaýda bolyp, demalý úshin» sol jerde qalady. Bul saqtyq sharasy emdeýshi dárigerdiń usynysy boiynsha qabyldandy» delingen sarai málimdemesinde.
Birqatar aqparat kózi hanzadanyń aýrýhanaǵa jatýynyń koronavirýsqa qatysy joq ekenin aitady.
Jaqynda úilený toiynyń 73 jyldyǵyn atap ótken bul jup vaktsinanyń alǵashqy dozasyn qańtarda aldy.
Preparattyń ataýy jariia etilmegen.
