ۇلىبريتانييا پاتشايىمى II ەليزاۆەتانىڭ زايىبى حانزادا فيليپپ اۋرۋحاناعا تٷستٸ. بۇل تۋرالى بۋكينگەم سارايى مەلٸم ەتتٸ, دەپ حابارلايدى ەuronews اگەنتتٸگٸ.
«99 جاستاعى ەدينبۋرگ گەرتسوگى دەنساۋلىعى ناشار بولعاندىقتان لوندون اۋرۋحاناسىنا جاتقىزىلدى. ول «بٸرنەشە كٷن باقىلاۋدا بولىپ, دەمالۋ ٷشٸن» سول جەردە قالادى. بۇل ساقتىق شاراسى ەمدەۋشٸ دەرٸگەردٸڭ ۇسىنىسى بويىنشا قابىلداندى» دەلٸنگەن ساراي مەلٸمدەمەسٸندە.
بٸرقاتار اقپارات كٶزٸ حانزادانىڭ اۋرۋحاناعا جاتۋىنىڭ كوروناۆيرۋسقا قاتىسى جوق ەكەنٸن ايتادى.
جاقىندا ٷيلەنۋ تويىنىڭ 73 جىلدىعىن اتاپ ٶتكەن بۇل جۇپ ۆاكتسينانىڭ العاشقى دوزاسىن قاڭتاردا الدى.
پرەپاراتتىڭ اتاۋى جارييا ەتٸلمەگەن.
