Ulybritaniia patshaiymy Elizaveta II ótken juma kúni joldasy Edinbýrg gertsogy Filipp dúnieden ótkennen keiin qyzmetin atqarýǵa qaita kiristi, dep habarlaidy "Ult aqparat" BBC News-ke silteme jasap.
Elizaveta II patshalyq rásimderdi uiymdastyratyn Ýiliam Pildyń lord-kamergerdiń qyzmetinen ketý saltanatyna qatysty.
Ýiliam Pil óziniń otstavkaǵa ketetini týraly byltyr habarlaǵan edi. Ol bul qyzmette 14 jyl jumys istegen. Onyń ornyna MI-5-tiń burynǵy basshysy Endriý Parker keledi. Ol patshaiym biligi kezindegi segizinshi lord-kamerger atanbaq. Qazirgi kúni patshanyń otbasy eki aptalyq aza tutýda. Gertsogtyń jerleý rásimi senbi kúni Vindzor saraiynda ótedi. Otbasy músheleri «óz qyzmetterine sai mindetterin atqarýda» delindi.
Jeksenbi kúni patshaiymnyń uly Endriý II Elizaveta týraly kúieýiniń qazasyna bailanysty «keýdesi óksikke tolǵanyn» aitqan edi. Ol «patshaiym biz kútkendei óte myqty adam ekenin kórsetti» dep qosty.
Senbi kúni tústen keiin josparlanǵan jerleý rásimi koronavirýs pandemiiasy saldarynan shaǵyn, jinaqty ótedi. Degenmen Býkingem saraiynan málim etkendei, bul gertsogtyń óz tileginen týyndaǵan.
Sonymen qatar BBC News Sasseks gertsogy Garri Ulybritaniiaǵa áieli Megan Marklsyz ushyp kelgenin habarlaidy. Oǵan dárigerler úide qalýǵa keńes bergen.
