Estigenin, kórgenin jaza beretin «Nýr.kz» saitynan: «Kazahstanskie stýdentki platiat za semnye kvartiry intimom s hoziaevami» atty taqyryptaǵy bir maqalaǵa kózim tústi. Bul ne sumdyq!
Maqalada kórsetilgendei, bul qadamǵa kóbinese stýdent qyzdar barady-mys. Sebebi, jataqhana ala almai baspanaǵa turaqtyǵysy kelgen qyzdyń amaly jaldap turatyn páter. Al onyń ailyq tólemi de ákesiniń qunyn surap tur. Aqshasy joq qara kózderdiń tamyryn basqan úi iesi intimdi qatynasqa túsýge shaqyratyn kórinedi. Baryp turǵan arsyzdyq! Jan azabynan qutylsam boldy, tán azaby óter degen bolsa kerek, áiteý turatyn jerin qamdaǵan, yńǵaiyn tapqan qyz kelisim de beredi eken. Bul Reseide ashyq túrdegi qoǵamdyq dúniege ainalyp ketken. Ókinishtisi bizdiń elde de bar. Atap aitqanda: Almaty, Astana, Qaraǵandy, Atyraý, Aqtaý qalalarynda osyndai jaǵdailar tirkelgen. Aqyry tas qala qaida bolmasyn tas júrektigin istep tyndy.
Maqalada Aliia esimdi qyzdyń aty júr. Aty – qazaq. Aliiamyz Almaty qalasynda makler bolyp jumys jasaidy eken. Onyń aitýynsha, 10 jyldan beri osylai páterin berip kele jatqan túri joq, semiz bolsa da kóńildi kótere alatyn qylyǵy men qalanyń ortasynda úii bar bir mes qaryn klienti de bar-mys.
«Rieltor ne schitaet svoi ýslýgi nekoei raznovidnostiý svodnichestva. Agentstvo zaregistrirovano ofitsialno, nalogi platiat ispravno. V obiavlenii ýkazana tsena za jile, a lichnaia jizn arendodatelia i ego kvartirantki maklerov ne kasaetsia».
Sonda «bastysy elge salyq tólep otyrmyz, bireýdiń jeke ómirinde shataǵymyz joq» dep ar aldyndaǵy azaptyń kýási bolýǵa bola ma?! Qala bitkende páter berýshi men páter jaldaýshynyń arasynda júretin dánekerler jetedi. Aýadan aqsha jasap otyrǵandar. Sol dánekerlerdiń kóbi bala-shaǵasy bar áielder men orta jastan sál asqan qyz-kelinshekter. Solar páter berýshiniń ómiri jaiynda, onyń osyndai qylyǵy baryn bilmeidi deisiz be?! Beske biledi, jáne soǵan qarai da klient izdeidi. Eń birinshi qurbandary – stýdent qyzdar.
"Vse dovolny i schastlivy. Devýshki tratiat roditelskie dengi na pokýpký novyh veshei i pohody v kafe i kino, mýjiki ne zavodiat liýbovnits, kotorye oboshlis by dlia semeinogo biýdjeta namnogo doroje, jeny naslajdaiýtsia illiýziei nadejnogo i krepkogo ochaga", - govorit Aliia.
«Bári baqytty» deidi, Aliia! Aityp otyrǵany qandai baqyt?! Ata-anasy jibergen aqshasyn páterge berip, qalǵanyn qanaǵatpen kórer deýdiń ornyna, bastysy aqsha qulqyna, áreketi úi iesiniń «qanaǵatyna» ketedi dep otyr ǵoi.
Iesi – it, úii – ar bazaryna ainalyp ketken bulardyń jaǵasynan alyp, ornyna keltiretin zań joq pa?! Álde zań eń aqyry jeke adam quqyǵy dep otyra bermek pe?! Adam azǵyndap jatqanda qandai zańdy aitamyz.
Qala, qala degen saiyn qalaýyna qar jana beretin bul bólek qoǵamnyń arsyzdǵy ótip bitti. Árkimniń sanasy ǵoi dep burylyp ketkiń –aq keledi, biraq sol dúnieni kórip, estip turyp burylyp ketýge dáti jetken moiyndy shaýyp tastaý kerek qoi. Osy maqalany oqyp otyryp túigenim, salystymaly túrde árbir qalada kóptegen JOO-y bar. Bári derlik jataqhanamen qamtymaidy. Óitkeni jataqhana salýǵa jer kóp, jemi joq. Aqyry sendelgen, aýyldan keshe kelgen, sheshe kórgen arýlar osy sumdyqqa urynyp qalady. Urynbasqa amaly bar ma. Bárine topyraq shashýǵa bolmas, degenmen myńnyń ishinen bir qazaqtyń qyzy bolsyn osy qareketke bailanǵan bolsa, ult úshin myń jyldyq qasiret qoi!
Maqaladaǵy Aliia (qazaq bolsa endigi, tegi basqa ult bolar dep otyrmyn) suhbat berip bir shyndyqtyń betin ashtym ne bilgenimdi aittym degen bolar. Joq, ol búkil bir ulttyń ishinde bolyp jatqan qan tógissiz qurbandyqtyń keskinin aiqyndap berdi.
Etegine ie bola almaǵan qyzdy kinálaimyz ba álde itaiaqpen as iship úirengen úi iesin jazalaimyz ba?! Itten de tómen adamdy kórgende, Aqtósti – it, as isherin ydysyn – itaiaq dep aitýǵa arlanasyń!
Ult bolyp bul jónsizdiktiń aldyn alaiyq! Kózin apanymen birge qurtý kerek!
Marǵulan Aqan,
Ult portaly
