Halyaralyq áýe kóligi qaýymdastyǵy (IATA) Bek Air áýe kompaniiasynan tańbalaý kodyn qaitaryp aldy, - dep habarlaidy "Ult aqparat".
«Sizderdiń kompaniialaryńyz tańbalaý kodyn munan ary ielik ete berý úshin 762 qararǵa sáikes IATA bekitken biliktilik talaptaryna sai kelmeitindigin habarlaityndyǵymyzǵa ókinemiz», - delingen áýe kompaniiasynyń resmi saityn jariia etilgen IATA hatynda.
Sonymen qatar hatta 60 kúnniń ishinde qajetti tekserý sharalary júrgizilgennen keiin áýe kompaniiasy úshin kod qoljetimdi bolýy múmkin ekendigi aitylǵan.
IATA áýe kompaniiasy kody –Halyqaralyq áýe kóligi qaýymdastyǵynyń áýe kompaniiasyna eki nemese úsh mándi jeke sáikestendirgishi. Áýe kompaniiasynyń kodyn áýe kompaniialary, bilet satatyn agenttikter, aviatsiialyq jolaýshylar tasymaly salasyndaǵy kommertsiialyq qyzmetterge bailanysty aqparatty berý úshin ózge de kásiporyndar qoldandy.
IATA kodtar tizimin jylyna 2 ret jariialaidy jáne onymen qaýymdastyqtyń resmi saitynda tanysýǵa bolady.
Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeir kompaniiasynyń ushaǵy radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Ushaq jerge qulaǵan soń syrǵanap baryp áýejai aýmaǵyna jaqyn tustaǵy aýyl shetindegi eki qabatty úige soǵylǵan. Saldarynan 12 adam qaza tapty. Osydan keiin Bek Air áýe kompaniiasyna tiesili toǵyz Fokker-100 ushaǵynyń qyzmeti toqtatyldy.
