Qazaqstandyq jeńil atlet Iasmina Toqsanbaeva Japoniianyń Aichi–Nagoia qalalarynda ótip jatqan HH jazǵy Aziia oiyndarynda chempion atandy, dep habarlaidy ult.kz.
Iasmina Toqsanbaeva áielder arasyndaǵy marafondyq sporttyq júristen synǵa túsip, 3 saǵat 22 minýt 20 sekýnd nátijesimen márege birinshi bolyp jetti.
Qazaqstandyq sportshy eń jaqyn qarsylasyn tórt minýtqa jýyq ýaqytqa artta qaldyrdy.
Jarys qorytyndysy:
- Iasmina Toqsanbaeva (Qazaqstan) — 3:22:20
- Dantszen Tsiýitszýn (Qytai) — 3:26:09
- Ma Li (Qytai) — 3:32:26
21 jastaǵy sportshy buǵan deiin de Aziia deńgeiinde júldege ilikken. 2025 jyly 20 shaqyrymdyq sporttyq júristen Aziia chempionatynda qola medal alsa, 2026 jyly Japoniiada ótken qurlyq birinshiliginde kúmis júldege ie bolǵan.
Toqsanbaevanyń altyn medali Qazaqstan quramasynyń Aichi–Nagoiadaǵy Aziia oiyndaryndaǵy toǵyzynshy altyny boldy.
Aita keteiik, buǵan deiin jeńil atletikadan Kristina Morozova sporttyq júristen kúmis júlde ielengen.
