قازاقستاندىق جەڭٸل اتلەت ياسمينا توقسانباەۆا جاپونييانىڭ ايچي–ناگويا قالالارىندا ٶتٸپ جاتقان حح جازعى ازييا ويىندارىندا چەمپيون اتاندى, دەپ حابارلايدى ult.kz.
ياسمينا توقسانباەۆا ەيەلدەر اراسىنداعى مارافوندىق سپورتتىق جٷرٸستەن سىنعا تٷسٸپ, 3 ساعات 22 مينۋت 20 سەكۋند نەتيجەسٸمەن مەرەگە بٸرٸنشٸ بولىپ جەتتٸ.
قازاقستاندىق سپورتشى ەڭ جاقىن قارسىلاسىن تٶرت مينۋتقا جۋىق ۋاقىتقا ارتتا قالدىردى.
جارىس قورىتىندىسى:
- ياسمينا توقسانباەۆا (قازاقستان) — 3:22:20
- دانتسزەن تسيۋيتسزۋن (قىتاي) — 3:26:09
- ما لي (قىتاي) — 3:32:26
21 جاستاعى سپورتشى بۇعان دەيٸن دە ازييا دەڭگەيٸندە جٷلدەگە ٸلٸككەن. 2025 جىلى 20 شاقىرىمدىق سپورتتىق جٷرٸستەن ازييا چەمپيوناتىندا قولا مەدال السا, 2026 جىلى جاپونييادا ٶتكەن قۇرلىق بٸرٸنشٸلٸگٸندە كٷمٸس جٷلدەگە يە بولعان.
توقسانباەۆانىڭ التىن مەدالٸ قازاقستان قۇراماسىنىڭ ايچي–ناگوياداعى ازييا ويىندارىنداعى توعىزىنشى التىنى بولدى.
ايتا كەتەيٸك, بۇعان دەيٸن جەڭٸل اتلەتيكادان كريستينا موروزوۆا سپورتتىق جٷرٸستەن كٷمٸس جٷلدە يەلەنگەن.
