Qazaqstandyq Halyk Bank, Kaspi jáne "Qazatomónerkásip" kompaniialary London qor birjasynda aktsiia saýdasynyń buǵattalýy týraly habarlamaǵa pikir bildirdi, - dep habarlaidy Tengrinews.kz tilshisi.
Buǵan deiin áleýmettik jelilerde LSE London qor birjasy Resei baǵaly qaǵazdarynyń saýdasyn toqtatty degen aqparat paida boldy. Buǵattaý tizimi FTSE IOB sektorynan alynǵan. Oǵan Halyk Bank, Kaspi jáne "Qazatomónerkásip" siiaqty qazaqstandyq kompaniialar kiredi. Nátijesinde London birjasynda kompaniialardyń aktsiiasyn satý qiyndyq týǵyzǵan.
"Aktsiialarymyz jaqsy saýdalanyp jatyr. London qor birjasy saitynan Kaspi.kz-ke kirýge bolady. Búgin 172 000 aktsiiany saýdalap jatyrmyz, 7 millionǵa, qazir 17 paiyzǵa paida taptyq", - dedi Kaspi Bank baspasóz qyzmeti ókilderi.
Sondai-aq, Halyk Bank London qor birjasynda saýdaǵa qatysty problemalardy joqqa shyǵardy.
London qor birjasynda (LSE) saýda qazirgi ýaqytta Halyk Finance klientteri úshin kompaniianyń syrtqy brokeri arqyly qoljetimdi ekeni aityldy.
"Qazaqstandyq emitentterdiń Halyk Invest qosymshasynda LSE-degi ǴDQ boiynsha saýdaǵa qoljetimdiligi týraly keiinirek habarlanady. Operatsiialaryńyzdy josparlaý kezinde demalys jáne mereke kúnderi qor naryqtarynyń jumysy týraly aqparatty eskerýińizdi suraimyz", - dedi Halyk Bank baspasóz qyzmeti ókilderi.
"Qazatomónerkásip" UAK" AQ baspasóz qyzmeti kompaniianyń aktsiialary London qor birjasynda satylyp jatqanyn habarlady.
