Dziýdodan erler men áielder arasynda Majarstan astanasy Býdapesht qalasynda ótip jatqan álem chempionatynda qazaqstandyq Ǵusman Qyrǵyzbaev kúmis júldeger atandy, dep habarlaidy "Ult aqparat".
Jarystyń alǵashqy kúni 60 kg salmaqta qazaqtyń qos birdei sportshysy sheshýshi beldesýlerge shyqty.
Áskeriler arasynda álem chempiony Ǵusman Qyrǵyzbaev jartylai finalda frantsiialyq Valide Hiiardy qapy qaldyrdy.
Sodan keiin finalda reseilik Iago Abýladzemen tatamige shyqty. Sheshýshi beldesýde reseilik dziýdoshy shiraq kúresip, taza jeńiske jetti.
Taǵy bir qazaqstandyq, jastar arasynda 2015 jylǵy álem chempiony Maǵjan Shámshádin jartylai finalǵa deiin qarsylas shaq keltirmei, onda Ia.Abýladzege ese jiberdi.
Qola júlde úshin básekede Maǵjan ázirbaijandyq Karamat Hýseinovpen beldesti. Qosymsha ýaqytta jeńis K.Hýseinovtiń enshisinde ketti. M.Shámshádin besinshi oryndy qanaǵat tutty.
Áielder arasynda 48 kg salmaqta Otgontsetseg Galbadrah pen Ábiba Ábýjaqynova júldeden tys qaldy.
Rio Olimpiadasynyń qola júldegeri O.Galbadrah úshinshi ainalymda Monǵoliiada júrgende, óziniń jolyn ylǵi bógegen burynǵy otandasy Ýrantsegeg Mýnhbatpen básekede úsh shido alǵandyqtan ǵana ese jiberdi. Ý.Mýnhbat bul birinshilikte qola júldege ilikti.
