kórneki sýret
Elimizde Reseidiń úzdik tehnikalyq joǵary oqý oryndarynyń filialdary ashylmaq. Bul týraly Memleket basshysy Qasym-Jomart Toqaev Parlament Májilisiniń otyrysynda aitty, dep habarlaidy QazAqparat.
«Joǵary bilimniń qoljetimdiligi de kókeikesti másele bolyp qalýda. Eldiń halyq tyǵyz qonystanǵan óńirlerindegi jastarǵa arnalǵan maqsatty granttar bólýge airyqsha nazar aýdarý qajet. Jańa ekonomika qurý úshin JOO básekege qabilettiligin arttyrý mańyzdy. Jýyqta Qazaqstanda jetekshi sheteldik joǵarý oqý oryndarynyń filialdary ashý bastaldy.
Jaqyn arada Reseidiń úzdik tehnikalyq joǵary oqý oryndarynyń filialdaryn ashý josparlanyp otyr», - dedi Prezident.
Onyń sózine qaraǵanda, 2025 jylǵa qarai elimizde bedeldi sheteldik joǵary oqý oryndarynyń kem degende 5 filialyn ashý qajet.
«Sonyń ózinde onyń ekeýi tehnikalyq baǵdarlanǵan bolýy kerek. Qaitalap aitamyn, tehnikalyq baǵdarlanǵan oqý oryndarynyń filialyn eldiń batysynda ashý kerek.
Jalpy bárimizge bilim týraly kózqarasymyzdy ózgertý qajet. Gýmanitarlyq mamandyqtarmen áýestený kezeńi kelmeske ketti. Basymdyqty tehnikalyq mamandyqtarǵa berý qajet. Injenerler men ónerkásip ókilderiniń jańa býynyn ósirip shyǵarý qajet bolyp tur», - dedi Qasym-Jomart Toqaev.
