كٶرنەكٸ سۋرەت
ەلٸمٸزدە رەسەيدٸڭ ٷزدٸك تەحنيكالىق جوعارى وقۋ ورىندارىنىڭ فيليالدارى اشىلماق. بۇل تۋرالى مەملەكەت باسشىسى قاسىم-جومارت توقاەۆ پارلامەنت مەجٸلٸسٸنٸڭ وتىرىسىندا ايتتى, دەپ حابارلايدى قازاقپارات.
«جوعارى بٸلٸمنٸڭ قولجەتٸمدٸلٸگٸ دە كٶكەيكەستٸ مەسەلە بولىپ قالۋدا. ەلدٸڭ حالىق تىعىز قونىستانعان ٶڭٸرلەرٸندەگٸ جاستارعا ارنالعان ماقساتتى گرانتتار بٶلۋگە ايرىقشا نازار اۋدارۋ قاجەت. جاڭا ەكونوميكا قۇرۋ ٷشٸن جوو بەسەكەگە قابٸلەتتٸلٸگٸن ارتتىرۋ ماڭىزدى. جۋىقتا قازاقستاندا جەتەكشٸ شەتەلدٸك جوعارۋ وقۋ ورىندارىنىڭ فيليالدارى اشۋ باستالدى.
جاقىن ارادا رەسەيدٸڭ ٷزدٸك تەحنيكالىق جوعارى وقۋ ورىندارىنىڭ فيليالدارىن اشۋ جوسپارلانىپ وتىر», - دەدٸ پرەزيدەنت.
ونىڭ سٶزٸنە قاراعاندا, 2025 جىلعا قاراي ەلٸمٸزدە بەدەلدٸ شەتەلدٸك جوعارى وقۋ ورىندارىنىڭ كەم دەگەندە 5 فيليالىن اشۋ قاجەت.
«سونىڭ ٶزٸندە ونىڭ ەكەۋٸ تەحنيكالىق باعدارلانعان بولۋى كەرەك. قايتالاپ ايتامىن, تەحنيكالىق باعدارلانعان وقۋ ورىندارىنىڭ فيليالىن ەلدٸڭ باتىسىندا اشۋ كەرەك.
جالپى بەرٸمٸزگە بٸلٸم تۋرالى كٶزقاراسىمىزدى ٶزگەرتۋ قاجەت. گۋمانيتارلىق ماماندىقتارمەن ەۋەستەنۋ كەزەڭٸ كەلمەسكە كەتتٸ. باسىمدىقتى تەحنيكالىق ماماندىقتارعا بەرۋ قاجەت. ينجەنەرلەر مەن ٶنەركەسٸپ ٶكٸلدەرٸنٸڭ جاڭا بۋىنىن ٶسٸرٸپ شىعارۋ قاجەت بولىپ تۇر», - دەدٸ قاسىم-جومارت توقاەۆ.
