Gúlzira Aidarbekova Instagram-daǵy paraqshasynda Qairat Nurtas pen Juldyz Abdýkarimova arasynda ne bolǵanyn jazdy, - dep habarlaidy Tengrinews.kz tilshisi.
Gúlzira Aidarbekovaǵa týǵan kúnin Maldiv araldarynda atap ótken Qairat Nurtastyń janynda nege jary Juldyz Abdýkarimova joq degen saýal qoiylyp, túrli pikir jazylyp jatyr. Oqyrmandarynyń birine jaýap bergen ánshiniń anasy olardy "búgin uryssa, erteń tatýlasýy múmkin" dedi. Sonymen qatar, "aralaryna jalmaýyzdar túsip jalmaǵanyn" da aitty.
"Juldyzdy men jaman dep jatqanym joq, kiná ekeýinen de bar. Búgin uryssa, erteń tatýlasýy múmkin. Kóringennen kir izdep azǵyryp ne kerek. Qairat ta, Juldyz da jaman emes, aralaryna jalmaýyzdar túsip jalmady, boldy. Sender oilaǵandai toqaly da joq. Endi oilamasa áli kúnge deiin toqal alý miyna da kirip shyqqan emes. Jurttyń sózi ósegi, arandatýshylyǵy qurtatyn, bir-birine jamandar ósektep" - dep pikirlerge jaýap berdi Gúlzira Aidarbekova.
Taǵy bir pikirge jaýabynda "Esterin jiiar, tórt búldirshininiń baǵyna. Alla sabyr bersin, kim uryspai jatyr" dedi.
Eske salaiyq, ánshi Qairat Nurtas 33 jasyn Maldiv araldarynda dúrkiretip atap ótti. Aqyly negizde 30 adamǵa arnalǵan týr 6 kúnge sozylady. Ánshi uiymdastyrǵan týr baǵdarlamasy boiynsha tanysý keshi, túrli oiyndar men án keshi ótti.
