گٷلزيرا ايداربەكوۆا Instagram-داعى پاراقشاسىندا قايرات نۇرتاس پەن جۇلدىز ابدۋكاريموۆا اراسىندا نە بولعانىن جازدى, - دەپ حابارلايدى Tengrinews.kz تٸلشٸسٸ.
گٷلزيرا ايداربەكوۆاعا تۋعان كٷنٸن مالديۆ ارالدارىندا اتاپ ٶتكەن قايرات نۇرتاستىڭ جانىندا نەگە جارى جۇلدىز ابدۋكاريموۆا جوق دەگەن ساۋال قويىلىپ, تٷرلٸ پٸكٸر جازىلىپ جاتىر. وقىرماندارىنىڭ بٸرٸنە جاۋاپ بەرگەن ەنشٸنٸڭ اناسى ولاردى "بٷگٸن ۇرىسسا, ەرتەڭ تاتۋلاسۋى مٷمكٸن" دەدٸ. سونىمەن قاتار, "ارالارىنا جالماۋىزدار تٷسٸپ جالماعانىن" دا ايتتى.
"جۇلدىزدى مەن جامان دەپ جاتقانىم جوق, كٸنە ەكەۋٸنەن دە بار. بٷگٸن ۇرىسسا, ەرتەڭ تاتۋلاسۋى مٷمكٸن. كٶرٸنگەننەن كٸر ٸزدەپ ازعىرىپ نە كەرەك. قايرات تا, جۇلدىز دا جامان ەمەس, ارالارىنا جالماۋىزدار تٷسٸپ جالمادى, بولدى. سەندەر ويلاعانداي توقالى دا جوق. ەندٸ ويلاماسا ەلٸ كٷنگە دەيٸن توقال الۋ ميىنا دا كٸرٸپ شىققان ەمەس. جۇرتتىڭ سٶزٸ ٶسەگٸ, ارانداتۋشىلىعى قۇرتاتىن, بٸر-بٸرٸنە جاماندار ٶسەكتەپ" - دەپ پٸكٸرلەرگە جاۋاپ بەردٸ گٷلزيرا ايداربەكوۆا.
تاعى بٸر پٸكٸرگە جاۋابىندا "ەستەرٸن جييار, تٶرت بٷلدٸرشٸنٸنٸڭ باعىنا. اللا سابىر بەرسٸن, كٸم ۇرىسپاي جاتىر" دەدٸ.
ەسكە سالايىق, ەنشٸ قايرات نۇرتاس 33 جاسىن مالديۆ ارالدارىندا دٷركٸرەتٸپ اتاپ ٶتتٸ. اقىلى نەگٸزدە 30 ادامعا ارنالعان تۋر 6 كٷنگە سوزىلادى. ەنشٸ ۇيىمداستىرعان تۋر باعدارلاماسى بويىنشا تانىسۋ كەشٸ, تٷرلٸ ويىندار مەن ەن كەشٸ ٶتتٸ.
