Ózbekstannyń memlekettik aktivterdi basqarý jónindegi agenttigi Tashkent pen Tashkent oblysynda burynǵy prezidenttiń qyzy Gúlnara Karimovaǵa tiesili bolǵan birneshe nysan satylymǵa shyǵaryldy dep habarlady.
Aýktsionǵa shyǵarylǵan nysandar arasynda Tashkent oblysynyń Bostandyq aýdanynda ornalasqan "Sidjak" demalys orny da bar. Jalpy aýmaǵy 5,38 gektar bolatyn keshende 730 sharshy metrlik qonaq úi, 855 sharshy metr bolatyn sport alańdary, 250 sharshy metrlik basseinder, sýburqaq, kottedj, amfiteatr jáne ózge de ǵimarattar bar.
2019 jyly atalǵan aýmaq qazirgi prezidenttiń kishi kúieý balasy Otabek Ýmarov basqaratyn Triatlon federatsiiasyna berilgen. "Sidjakta" triatlon boiynsha ulttyq qurama komandasyna arnalǵan oqý-jattyqtyrý bazasy ornalasady dep josparlanǵan.
Gúlnara Karimovaǵa tiesili bolǵan "Poitaht" biznes ortalyǵy, "Ichan kala" qonaq úii jáne "Beldersai" demalys orny da aýktsionǵa shyǵarylǵan.
