Grýziiada qazaq qyzynyń ólimine qatysy bar degen kúdikpen ustalǵan er adamǵa zorlady jáne ózin-ózi óltirýge deiin jetkizdi degen aiyp taǵylyp otyr, dep habarlaidy Sputnik Grýziia.
Grýziianyń bas prokýratýrasy usynǵan málimetke sáikes, 5 mamyrda kúdikti qyzdy óltiremin dep qorqytqan. Sosyn zorlap tastaǵan.
"Jábir kórgen qyz aýyr psihikalyq soqqy alǵan. Ol óz-ózine qol saldy", - deidi tergeýshiler.
6 mamyrda qazaq qyzynyń ólimine qatysy bar degen kúdikpen er adam ustaldy. Qylmystyq kodekstiń eki baby boiynsha sotqa deiingi tergeý sharalary bastaldy. Kúdiktige zorlaý jáne adamnyń ar-namysyn kemsitý arqyly ózin-ózi óltirýge deiin jetkizý siiaqty aiyptar taǵylyp otyr. Onyń kinási dáleldense, 8-10 jylǵa deiin sottalady.
Qaitys bolǵan qyz ólerdiń aldynda qurbysyna jantúrshigerlik aýdiojazba jibergen. Bul týraly bólesi "Ekspress K" basylymyna bergen suhbatynda aitty. Aýdiojazbada qyz týysqanynyń biznes áriptesimen sóilesken. Odan terezeden sekirip ketken qyzdy zorlap, satyp jibergenin anyq túsinýge bolady. Onyń ar-namysyna tietin biraz sóz aityldy. Tipti, "múgedek qylyp tastaimyn" jáne "óltiremin" dep qorqytqan.
Buǵan deiin Qazaqstan azamaty Ásel Aitpaeva Grýziiada belgisiz jaǵdaida kóz jumǵany týraly habarlanǵan bolatyn. Aldyn ala málimetke súiensek, Ásel Grýziiaǵa bir ai buryn aqsha tabýǵa ketken. Al birneshe kún buryn jaqyndarymen bailanysqa shyqpai qoiǵan.
