گرۋزييادا قازاق قىزىنىڭ ٶلٸمٸنە قاتىسى بار دەگەن كٷدٸكپەن ۇستالعان ەر ادامعا زورلادى جەنە ٶزٸن-ٶزٸ ٶلتٸرۋگە دەيٸن جەتكٸزدٸ دەگەن ايىپ تاعىلىپ وتىر, دەپ حابارلايدى Sputnik گرۋزييا.
گرۋزييانىڭ باس پروكۋراتۋراسى ۇسىنعان مەلٸمەتكە سەيكەس, 5 مامىردا كٷدٸكتٸ قىزدى ٶلتٸرەمٸن دەپ قورقىتقان. سوسىن زورلاپ تاستاعان.
"جەبٸر كٶرگەن قىز اۋىر پسيحيكالىق سوققى العان. ول ٶز-ٶزٸنە قول سالدى", - دەيدٸ تەرگەۋشٸلەر.
6 مامىردا قازاق قىزىنىڭ ٶلٸمٸنە قاتىسى بار دەگەن كٷدٸكپەن ەر ادام ۇستالدى. قىلمىستىق كودەكستٸڭ ەكٸ بابى بويىنشا سوتقا دەيٸنگٸ تەرگەۋ شارالارى باستالدى. كٷدٸكتٸگە زورلاۋ جەنە ادامنىڭ ار-نامىسىن كەمسٸتۋ ارقىلى ٶزٸن-ٶزٸ ٶلتٸرۋگە دەيٸن جەتكٸزۋ سيياقتى ايىپتار تاعىلىپ وتىر. ونىڭ كٸنەسٸ دەلەلدەنسە, 8-10 جىلعا دەيٸن سوتتالادى.
قايتىس بولعان قىز ٶلەردٸڭ الدىندا قۇربىسىنا جانتٷرشٸگەرلٸك اۋديوجازبا جٸبەرگەن. بۇل تۋرالى بٶلەسٸ "ەكسپرەسس ك" باسىلىمىنا بەرگەن سۇحباتىندا ايتتى. اۋديوجازبادا قىز تۋىسقانىنىڭ بيزنەس ەرٸپتەسٸمەن سٶيلەسكەن. ودان تەرەزەدەن سەكٸرٸپ كەتكەن قىزدى زورلاپ, ساتىپ جٸبەرگەنٸن انىق تٷسٸنۋگە بولادى. ونىڭ ار-نامىسىنا تيەتٸن بٸراز سٶز ايتىلدى. تٸپتٸ, "مٷگەدەك قىلىپ تاستايمىن" جەنە "ٶلتٸرەمٸن" دەپ قورقىتقان.
بۇعان دەيٸن قازاقستان ازاماتى ەسەل ايتپاەۆا گرۋزييادا بەلگٸسٸز جاعدايدا كٶز جۇمعانى تۋرالى حابارلانعان بولاتىن. الدىن الا مەلٸمەتكە سٷيەنسەك, ەسەل گرۋزيياعا بٸر اي بۇرىن اقشا تابۋعا كەتكەن. ال بٸرنەشە كٷن بۇرىن جاقىندارىمەن بايلانىسقا شىقپاي قويعان.
