Sýret: Reuters
Grýziia parlamenti «Sheteldik yqpaldyń ashyqtyǵy týraly» zańdy úshinshi jáne sońǵy oqylymda qabyldady.
84 depýtat qoldap, 30 depýtat qarsy daýys berdi.
Oppozitsiialyq depýtat Hatiia Dekanoidzeniń aitýynsha, otyrysqa oppozitsiia ǵana emes, parlament ókilderiniń kópshiligi kele almaǵan. Ol kezdesýdiń nebári bir minýt jeti sekýndqa sozylǵanyn atap ótti.
Zańda shetelden qarjylandyrýy jyldyq tabysynyń 20 paiyzynan astamyn quraityn úkimettik emes uiymdar men BAQ-tar «shetelden qarjylandyrylatyn uiymdar» retinde tirkelip, jyl saiynǵy qarjylyq deklaratsiia tapsyrýǵa mindetti bolady dep belgilengen. Jaltarǵany úshin 25 myń lari (shamamen 9,5 myń dollar) kóleminde aiyppul salynady.
Zań qabyldanǵannan keiin oppozitsiialyq «Biryńǵai ulttyq qozǵalys» fraktsiiasy parlament jumysyna boikot jariialady. Dál osyndai sheshimdi Lelo Grýziia depýtattary úshin de qabyldady. Oppozitsiia bul zań Reseidiń «shetel agentteri» týraly zańyn qaitalaidy jáne bilikti synaityn táýelsiz uiymdar men BAQ-ty stigmatizatsiialaý jáne jumysyn toqtatý qaýpi bar dep sanaidy.
Seisenbi kúni Tbiliside parlament ǵimaraty aldynda jáne basqa da birneshe jerde myńdaǵan narazylyq bildirýshiler taǵy da jinalyp, bul zańdy sóz bostandyǵy men azamattyq qoǵamǵa ǵana emes, Grýziianyń eýropalyq integratsiiasyna qaýip tóndiredi dep sanaidy. Ótken aidaǵy narazylyq aktsiialarynyń basty urany «Eýropaǵa – iá. Resei zańyna – joq».
Kóptegen sherýshiler qala kóshelerimen júrip ótip, Tbilisi turǵyndaryn narazylyq sherýine qosylýǵa shaqyrdy. Narazylyq sherýinde politsiia demonstranttardy tutqynǵa alyp, soqqyǵa jyqty. Jalpy, Ishki ister ministrliginiń málimetinshe, seisenbi kúni sherýge shyqqan 13 adam ustalǵan.
Grýziia prezidenti Salome Zýrabishvili zań jobasyna veto qoiatynyn aityp, narazylyq bildirýshilerdi qazan aiynda ótetin parlamenttik sailaýda óz daýystaryn zańnyń kúshin joiý úshin paidalanýǵa shaqyrdy.
.jpg)