سۋرەت: Reuters
گرۋزييا پارلامەنتٸ «شەتەلدٸك ىقپالدىڭ اشىقتىعى تۋرالى» زاڭدى ٷشٸنشٸ جەنە سوڭعى وقىلىمدا قابىلدادى.
84 دەپۋتات قولداپ, 30 دەپۋتات قارسى داۋىس بەردٸ.
وپپوزيتسييالىق دەپۋتات حاتييا دەكانويدزەنٸڭ ايتۋىنشا, وتىرىسقا وپپوزيتسييا عانا ەمەس, پارلامەنت ٶكٸلدەرٸنٸڭ كٶپشٸلٸگٸ كەلە الماعان. ول كەزدەسۋدٸڭ نەبەرٸ بٸر مينۋت جەتٸ سەكۋندقا سوزىلعانىن اتاپ ٶتتٸ.
زاڭدا شەتەلدەن قارجىلاندىرۋى جىلدىق تابىسىنىڭ 20 پايىزىنان استامىن قۇرايتىن ٷكٸمەتتٸك ەمەس ۇيىمدار مەن باق-تار «شەتەلدەن قارجىلاندىرىلاتىن ۇيىمدار» رەتٸندە تٸركەلٸپ, جىل سايىنعى قارجىلىق دەكلاراتسييا تاپسىرۋعا مٸندەتتٸ بولادى دەپ بەلگٸلەنگەن. جالتارعانى ٷشٸن 25 مىڭ لاري (شامامەن 9,5 مىڭ دوللار) كٶلەمٸندە ايىپپۇل سالىنادى.
زاڭ قابىلدانعاننان كەيٸن وپپوزيتسييالىق «بٸرىڭعاي ۇلتتىق قوزعالىس» فراكتسيياسى پارلامەنت جۇمىسىنا بويكوت جارييالادى. دەل وسىنداي شەشٸمدٸ لەلو گرۋزييا دەپۋتاتتارى ٷشٸن دە قابىلدادى. وپپوزيتسييا بۇل زاڭ رەسەيدٸڭ «شەتەل اگەنتتەرٸ» تۋرالى زاڭىن قايتالايدى جەنە بيلٸكتٸ سىنايتىن تەۋەلسٸز ۇيىمدار مەن باق-تى ستيگماتيزاتسييالاۋ جەنە جۇمىسىن توقتاتۋ قاۋپٸ بار دەپ سانايدى.
سەيسەنبٸ كٷنٸ تبيليسيدە پارلامەنت عيماراتى الدىندا جەنە باسقا دا بٸرنەشە جەردە مىڭداعان نارازىلىق بٸلدٸرۋشٸلەر تاعى دا جينالىپ, بۇل زاڭدى سٶز بوستاندىعى مەن ازاماتتىق قوعامعا عانا ەمەس, گرۋزييانىڭ ەۋروپالىق ينتەگراتسيياسىنا قاۋٸپ تٶندٸرەدٸ دەپ سانايدى. ٶتكەن ايداعى نارازىلىق اكتسييالارىنىڭ باستى ۇرانى «ەۋروپاعا – يە. رەسەي زاڭىنا – جوق».
كٶپتەگەن شەرۋشٸلەر قالا كٶشەلەرٸمەن جٷرٸپ ٶتٸپ, تبيليسي تۇرعىندارىن نارازىلىق شەرۋٸنە قوسىلۋعا شاقىردى. نارازىلىق شەرۋٸندە پوليتسييا دەمونسترانتتاردى تۇتقىنعا الىپ, سوققىعا جىقتى. جالپى, ٸشكٸ ٸستەر مينيسترلٸگٸنٸڭ مەلٸمەتٸنشە, سەيسەنبٸ كٷنٸ شەرۋگە شىققان 13 ادام ۇستالعان.
گرۋزييا پرەزيدەنتٸ سالومە زۋرابيشۆيلي زاڭ جوباسىنا ۆەتو قوياتىنىن ايتىپ, نارازىلىق بٸلدٸرۋشٸلەردٸ قازان ايىندا ٶتەتٸن پارلامەنتتٸك سايلاۋدا ٶز داۋىستارىن زاڭنىڭ كٷشٸن جويۋ ٷشٸن پايدالانۋعا شاقىردى.
.jpg)