Eýraziialyq damý banki basqarma tóraǵasynyń keńesshisi qyzmetine Grigorii Marchenko taǵaiyndaldy, dep habarlaidy "Ult aqparat" qarjy institýtynyń baspasóz qyzmetine silteme jasap.
Grigorii Marchenko 1959 jyldyń 26 jeltoqsanynda Almaty qalasynda dúniege kelgen. Ol 1999-2004 jáne 2009-2013 jyldary Qazaqstannyń Ulttyq bankin basqarǵan. Al 2005-2009 jyldary aralyǵynda «Qazaqstannyń halyqtyq jinaq banki» AQ-nyń basqarma tóraǵasy bolǵan. Ár jyldary QR Prezidentiniń shtattan tys keńesshisi jáne kómekshisi, QR Premer-Ministriniń birinshi orynbasary laýazymdarynda qyzmet etken. 2013 jyldan beri táýelsiz sarapshy bolyp júr.
Grigorii Marchenko «Parasat», «Qazaqstan Respýblikasynyń Tunǵysh Prezidenti Nursultan Nazarbaev», Ispaniianyń Orden del Mérito Civil «Azamattyq eńbegi úshin» ordenderimen marapattalǵan. Sonymen qatar ol - Ispaniia koroldiginiń Almaty qalasy men Almaty oblysyndaǵy qurmetti konsýly.
