AQSh óner jáne dybys jazý tehnikasy ulttyq akademiiasy «Gremmi-2021» nominanttarynyń tizimin jariialady. Amerikalyq ánshi Beionse óte kóp atalymǵa úmitker retinde tirkelgen, dep habarlaidy Euronews agenttigi.
Beionse 9 sanat boiynsha mýzykalyq «Oskar» júldesi úshin kúresedi, onyń ishinde eń bedeldisi – «Jyl jazbasy». Oǵan «Qara násildilerdiń ómiriniń máni bar» degen uranmen qarsylyq sharalarynyń ánuranyna ainalǵan «Black Parade» áni usynylǵan.
Odan keiingi orynda britandyq Dýa Lipa tur. 25 jastaǵy ánshi jáne ánderdiń avtory eki jyl buryn úzdik jańa oryndaýshy retinde «Gremmi» syilyǵyn alǵan, al qazir alty marapattan úmitti.
Onyń «Future Nostalgia» kúitabaǵy «Jyl albomy» sanatynda baq synap jatyr. Munda Dýa Lipanyń básekelesiniń biri kantri-pop-ánshi Teilor Svift. Onyń oqshaýlaný kezinde jazylǵan «Folklore» albomy striming servister arasynda tyńdalym sany boiynsha kóptegen rekord ornatyp, tipti Ginnes rekordtar kitabyna endi.
Amerikalyq repper Roddi Rich tárizdi Svift te alty atalymǵa úmitker. Onyń «The Box» kompozitsiiasy «Jyl áni» atanýy múmkin. Al DaBaby-men jazylǵan «Rockstar» singly «Jyl jazbasy sanatynda nominanttar tizimine endi.
Baiqaýdyń 63-shi marapattaý rásimi 31 qańtarda, jeksenbi kúni ótedi.
Eske sala ketsek, Imanbek Zeikenovtiń (Imanbek) SAINt JHN-tyń Roses ánine jazǵan remiksi «Gremmi» syilyǵyna úmitker qatarynda.
