Qazaqstan Syrtqy ister ministrligi Grekiiada orman órtedi degen kúdiktiler arasynda Qazaqstan azamattary joq ekenin málimdedi, dep habarlaidy "Ult aqparat".
Ministrliktiń baspasóz qyzmetiniń málimetinshe bul oqiǵaǵa qazaqstandyq azamattardyń qatysy joq.
"Qazaqstandyq konsýl aqparat jariialanǵannan keiin birden osy oqiǵa boiynsha grek biligimen bailanysqa shyqty. Grek politseileri ustalǵandar arasynda Qazaqstan azamattarynyń joq ekenin jáne olarǵa qandai da bir shaǵym túpegenin habarlady", – delingen habarlamada.
Eske salsaq, "Grekiianyń Gidra aralynda 13 qazaqstandyq týrist jalǵa alynǵan iahtada otshashý jasap, saldarynan orman órti boldy", delingen aqparat taraǵan.
Oqiǵa 21 maýsym kúni keshke Agios-Nikolaos jaǵajaiynyń aimaǵynda bolǵan. Derekterge súiensek, týrister aldymen iahtany jalǵa alyp, keiin onda otshashý uiymdastyryp, ony qurlyqqa qarai ushyrǵan. Nátijesinde qaraǵaily ormanda órt shyqty.
Keiin olar órtti kórip, sóndirýge tyrysqan. Alaida jalyn kúshti bolǵandyqtan órt sóndirý bólimine qońyraý shalyp, keiin ózderi oqiǵa ornynan ketip qalǵan.
.jpg)