قازاقستان سىرتقى ٸستەر مينيسترلٸگٸ گرەكييادا ورمان ٶرتەدٸ دەگەن كٷدٸكتٸلەر اراسىندا قازاقستان ازاماتتارى جوق ەكەنٸن مەلٸمدەدٸ, دەپ حابارلايدى "ۇلت اقپارات".
مينيسترلٸكتٸڭ باسپاسٶز قىزمەتٸنٸڭ مەلٸمەتٸنشە بۇل وقيعاعا قازاقستاندىق ازاماتتاردىڭ قاتىسى جوق.
"قازاقستاندىق كونسۋل اقپارات جارييالانعاننان كەيٸن بٸردەن وسى وقيعا بويىنشا گرەك بيلٸگٸمەن بايلانىسقا شىقتى. گرەك پوليتسەيلەرٸ ۇستالعاندار اراسىندا قازاقستان ازاماتتارىنىڭ جوق ەكەنٸن جەنە ولارعا قانداي دا بٸر شاعىم تٷپەگەنٸن حابارلادى", – دەلٸنگەن حابارلامادا.
ەسكە سالساق, "گرەكييانىڭ گيدرا ارالىندا 13 قازاقستاندىق تۋريست جالعا الىنعان ياحتادا وتشاشۋ جاساپ, سالدارىنان ورمان ٶرتٸ بولدى", دەلٸنگەن اقپارات تاراعان.
وقيعا 21 ماۋسىم كٷنٸ كەشكە اگيوس-نيكولاوس جاعاجايىنىڭ ايماعىندا بولعان. دەرەكتەرگە سٷيەنسەك, تۋريستەر الدىمەن ياحتانى جالعا الىپ, كەيٸن وندا وتشاشۋ ۇيىمداستىرىپ, ونى قۇرلىققا قاراي ۇشىرعان. نەتيجەسٸندە قاراعايلى ورماندا ٶرت شىقتى.
كەيٸن ولار ٶرتتٸ كٶرٸپ, سٶندٸرۋگە تىرىسقان. الايدا جالىن كٷشتٸ بولعاندىقتان ٶرت سٶندٸرۋ بٶلٸمٸنە قوڭىراۋ شالىپ, كەيٸن ٶزدەرٸ وقيعا ورنىنان كەتٸپ قالعان.
.jpg)