Serbiia astanasy Belgrad qalasynda ótip jatqan kúres túrlerinen álem chempionatynda grek-rim kúresinen Aidos Sultanǵalidiń qola júldesinen keiin el quramasy medaldar kestesinde 13-orynǵa jaiǵasty, dep habarlaidy QazAqparat.
Qazirge deiin grek-rim kúresinen álemniń 13 memleketinen kelgen balýandar júldege qol jetkizdi.
Olardyń arasynda 4 altyn medal alǵan Serbiia kósh bastap tur. Ekinshi oryndaǵy Ázerbaijannyń 1 altyn, 1 kúmis, 3 qola medali bar. Úzdik úshtikti 1 altyn, 3 qolamen Túrkiia quramasy túiindedi.
Sondai-aq, medaldar kestesine Armeniia, Qyrǵyzstan, Grýziia, Vengriia, Iran, Ózbekstan, Bolgariia, Daniia, Ýkraina, Qytai, Japoniia quramalary endi.
Eske salsaq, álemdik dodada 60 keli salmaqta synǵa túsken Aidos 3-oryn úshin saiysta vengriialyq Kristian Kechkemetidi 7:1 esebimen jeńdi.
Aidos Sultanǵali 1996 jyly 7 aqpanda Qyzylorda qalasynda dúniege kelgen. Buǵan deiin 2018 jyly Vengriia astanasy Býdapesht qalasynda ótken álem chempionatynda da qola júlde alǵan edi.
