سەربييا استاناسى بەلگراد قالاسىندا ٶتٸپ جاتقان كٷرەس تٷرلەرٸنەن ەلەم چەمپيوناتىندا گرەك-ريم كٷرەسٸنەن ايدوس سۇلتانعاليدٸڭ قولا جٷلدەسٸنەن كەيٸن ەل قۇراماسى مەدالدار كەستەسٸندە 13-ورىنعا جايعاستى, دەپ حابارلايدى قازاقپارات.
قازٸرگە دەيٸن گرەك-ريم كٷرەسٸنەن ەلەمنٸڭ 13 مەملەكەتٸنەن كەلگەن بالۋاندار جٷلدەگە قول جەتكٸزدٸ.
ولاردىڭ اراسىندا 4 التىن مەدال العان سەربييا كٶش باستاپ تۇر. ەكٸنشٸ ورىنداعى ەزەربايجاننىڭ 1 التىن, 1 كٷمٸس, 3 قولا مەدالٸ بار. ٷزدٸك ٷشتٸكتٸ 1 التىن, 3 قولامەن تٷركييا قۇراماسى تٷيٸندەدٸ.
سونداي-اق, مەدالدار كەستەسٸنە ارمەنييا, قىرعىزستان, گرۋزييا, ۆەنگرييا, يران, ٶزبەكستان, بولگارييا, دانييا, ۋكراينا, قىتاي, جاپونييا قۇرامالارى ەندٸ.
ەسكە سالساق, ەلەمدٸك دودادا 60 كەلٸ سالماقتا سىنعا تٷسكەن ايدوس 3-ورىن ٷشٸن سايىستا ۆەنگرييالىق كريستيان كەچكەمەتيدٸ 7:1 ەسەبٸمەن جەڭدٸ.
ايدوس سۇلتانعالي 1996 جىلى 7 اقپاندا قىزىلوردا قالاسىندا دٷنيەگە كەلگەن. بۇعان دەيٸن 2018 جىلى ۆەنگرييا استاناسى بۋداپەشت قالاسىندا ٶتكەن ەلەم چەمپيوناتىندا دا قولا جٷلدە العان ەدٸ.
