Gonkong soty 16 sáýirde quqyq qorǵaýshy Martin Li, mediamagnat Djimmi Lai jáne taǵy bes oppozitsiia belsendisine sot úkimin shyǵarady. Olarǵa 2019 jyly Pekin yqpalyna qarsy mitingini uiymdastyrdy jáne qatysty degen aiyp taǵylyp otyr.
82 jastaǵy burynǵy depýtat, Demokratiialyq partiianyń negizin qalaýshy Martin Li juma kúni sot otyrysy bastalmai turyp, úkimdi tyńdaýǵa daiyn ekenin jetkizdi. Sot úkimi oqylmai turyp jeti aiyptalýshy jazany jeńildetý týraly ótinish beredi degen de boljam bar. Olar bes jylǵa deiin bas bostandyqtarynan aiyrylýy múmkin.
Gonkongte 2019 jyly maýsym aiynda narazylyq bastalǵan. Oǵan jergilikti biliktiń aiyptalýshylardy Qytaiǵa ekstraditsiialaýǵa múmkindik beretin zań qabyldaýy túrtki bolǵan. Oppozitsiia sol kezde Pekin bul zańdy dissidentterdi qýdalaý úshin paidalanýy múmkin dep málimdegen. Narazylyq aktsiiasynda politsiiamen qaqtyǵys boldy, belsendiler ustaldy.
Quqyq qorǵaýshylar sodan beri demokratiialyq qozǵalystarǵa qysym údegenin aitady.
Qytai biligi 2020 jyly 30 maýsymda Gonkongtiń ulttyq qaýipsizdigi týraly zań qabyldaǵan. Qaýipsizdik týraly zańǵa sáikes, Pekin satqyndyq, separatizm nemese terrorizm dep tapqan kez kelgen áreketti jasaǵan adam ómir boiyna bas bostandyǵynan aiyrylýy múmkin. Bul zań Gonkongtiń ózi ishinde jáne Batys elderi tarapynan qatań synǵa ushyraǵan. Olar zań Gonkongte saiasi qýǵyndy kúsheitedi, turǵyndardyń bostandyǵyn shekteidi dep sanaidy.
