IBF nusqasy boiynsha orta salmaqtaǵy álem chempiony Gennadii Golovkinniń promoýteri, Matchroom Boxing promoýterlik kompaniianyń basshysy Eddi Hirn GGG-diń 2020 jyly jekpe-jegi ótetinine úmit qalmaǵanyn málim etti, dep habarlaidy "Ult aqparat" Sports.kz saityna silteme jasap.
Gennadiidiń mindetti qarsylasy Polsha boksshysy Kamil Sheremeta bolýy tiis. Buǵan deiin jekpe-jek 20 qarasha kúni ótetini habarlanǵan edi. Alaida, Sheremetanyń jattyqtyrýshysy Fedor Lapin aiqas kúni kezekti ret aýystyrylatynyn málimdedi.
E.Hirn kezdesý osy jyldyń sońynda nemese kelesi jyldyń basynda ótýi múmkin ekendigin aitýda.
«Iia, Gennadii ringke 2020 jyly qaityp oralýdy kózdep otyr dep oilaimyn. DAZN-nan jekpe-jekter kestesin qarastyrý kerek. DAZN bul jekpe-jek (Golovkin-Sheremeta) qomaqty aqsha tólep otyr jáne onyń qashan ótkiziletinin olar sheshedi. Gennadii Golovkin 2019 jyldyń qazan aiynan beri judyryqtasqan joq. Kóp ýaqyt boldy. Qazirgi kezde GGG mansabynda bastysy – Sinko de Maioda «Kanelomen» úlken jekpe-jektiń ótýin qamtamasyz etý. Sondyqtan, eger Gennadii jeltoqsan ne qańtar aiynda judyryqtassa jáne Sheremetany taza jeńse, birden «Kanelomen» úshinshi jekpe-jekke ótetinine úmittenemiz. Kez kelgen boksshy úshin 2020 jyly birde-bir jekpe-jektiń bolmaýy – úlken soqqy», - dedi Hirn SI Boxing-qa bergen suhbatynda.
