IBF نۇسقاسى بويىنشا ورتا سالماقتاعى ەلەم چەمپيونى گەنناديي گولوۆكيننٸڭ پروموۋتەرٸ, Matchroom Boxing پروموۋتەرلٸك كومپانييانىڭ باسشىسى ەددي حيرن GGG-دٸڭ 2020 جىلى جەكپە-جەگٸ ٶتەتٸنٸنە ٷمٸت قالماعانىن مەلٸم ەتتٸ, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
گەننادييدٸڭ مٸندەتتٸ قارسىلاسى پولشا بوكسشىسى كاميل شەرەمەتا بولۋى تيٸس. بۇعان دەيٸن جەكپە-جەك 20 قاراشا كٷنٸ ٶتەتٸنٸ حابارلانعان ەدٸ. الايدا, شەرەمەتانىڭ جاتتىقتىرۋشىسى فەدور لاپين ايقاس كٷنٸ كەزەكتٸ رەت اۋىستىرىلاتىنىن مەلٸمدەدٸ.
ە.حيرن كەزدەسۋ وسى جىلدىڭ سوڭىندا نەمەسە كەلەسٸ جىلدىڭ باسىندا ٶتۋٸ مٷمكٸن ەكەندٸگٸن ايتۋدا.
«ييا, گەنناديي رينگكە 2020 جىلى قايتىپ ورالۋدى كٶزدەپ وتىر دەپ ويلايمىن. DAZN-نان جەكپە-جەكتەر كەستەسٸن قاراستىرۋ كەرەك. DAZN بۇل جەكپە-جەك (گولوۆكين-شەرەمەتا) قوماقتى اقشا تٶلەپ وتىر جەنە ونىڭ قاشان ٶتكٸزٸلەتٸنٸن ولار شەشەدٸ. گەنناديي گولوۆكين 2019 جىلدىڭ قازان ايىنان بەرٸ جۇدىرىقتاسقان جوق. كٶپ ۋاقىت بولدى. قازٸرگٸ كەزدە GGG مانسابىندا باستىسى – سينكو دە مايودا «كانەلومەن» ٷلكەن جەكپە-جەكتٸڭ ٶتۋٸن قامتاماسىز ەتۋ. سوندىقتان, ەگەر گەنناديي جەلتوقسان نە قاڭتار ايىندا جۇدىرىقتاسسا جەنە شەرەمەتانى تازا جەڭسە, بٸردەن «كانەلومەن» ٷشٸنشٸ جەكپە-جەككە ٶتەتٸنٸنە ٷمٸتتەنەمٸز. كەز كەلگەن بوكسشى ٷشٸن 2020 جىلى بٸردە-بٸر جەكپە-جەكتٸڭ بولماۋى – ٷلكەن سوققى», - دەدٸ حيرن SI Boxing-قا بەرگەن سۇحباتىندا.
