Boxingnews24.com saitynyń jýrnalisi Barri Holbrýk IBF jáne IBO boiynsha orta salmaqtaǵy álem chempiony Gennadii Golovkin qoldanystaǵy shart merzimi aiaqtalǵannan keiin DAZN strimingtik servisimen yntymaqtastyqty uzarta alady dep sanaidy.
Bul týraly Sports.kz habarlady.
2019 jyly GGG jalpy syiaqy mólsheri 100 million dollar bolatyn alty jekpe-jek shartyna qol qoiǵan edi. Kelisim aiasynda Gennadii ázirge eki jekpe-jek ótkizdi: Stiv Rollsty nokaýtqa túsirdi jáne Sergei Derevianchenkony jeńdi. 18 jeltoqsanda qazaqstandyq kásipqoi boksshy Polshadan shyqqan Kamil Sheremetamen jekpe-jekke shyǵady.
«Golovkinniń DAZN-daǵy aldyńǵy jekpe-jekteri Rolls pen Derevianchenkomen ótti. Bul jekpe-jekterdiń aýqymy aitarlyqtai keń bolǵan joq. Sondyqtan striming basqarmasy bul kezdesýler týraly qandai oida boldy degen suraq týyndaidy. Eger Golovkin DAZN-men shart boiynsha qalǵan tórt jekpe-jegin jeńilissiz aiaqtasa, platforma onymen taǵy bir qysqa merzimdi kelisimge qol qoiýy múmkin. Bul jaǵdaida DAZN onymen taǵy eki-úsh jekpe-jek boiynsha kelisimge qol qoiady dep kútýge bolady», – delingen maqalada.
