Amerikalyq jattyqtyrýshy Djonatan Benks Gennadii Golovkinniń Saýl «Kanelo» Alvarespen jekpe-jekte nege jeńiske jete almaǵany týraly pikirimen bólisti, dep habarlaidy Sports.kz.
«Men onyń stilin túbegeili ózgertkim kelmeidi, tek biraz nárselerdi jaqsartqym keledi. Siz áldeneni ózgertken kezde jańa dúnielerdi úirenýińizge týra keledi, al kózdegenińiz oilaǵanyńyzdai bolmai qalsa, alǵashqy baǵytyńyzǵa qaita oralasyz. Men de onyń áý bastaǵy ádisterin qolǵa alyp, sol jaǵyn kúsheitkim keledi. «Kanelomen» alǵashqy jekpe-jekten keiin Gennadii eshteńe ózgertken joq. Meniń oiymsha, qandai da bir ózgeristerdiń joqtyǵy da Gennadiidiń kúireýine alyp keldi. «Kanelo» - myqty boksshy, onymen jekpe-jek kez kelgen adam úshin aýyr bolatyny sózsiz. Ol mashyqtary men eptiliginiń esebinen barlyǵy úshin aldyrmas boksshy. Mundai qarsylaspen aiqasta burynǵy jibergen qatelikterge túzetýler engizilmeitin bolsa, bizdiń burynǵy kórgen jekpe-jegimiz qaitalanýy múmkin», - dedi Benks Ring TV-ge bergen suhbatynda.
