امەريكالىق جاتتىقتىرۋشى دجوناتان بەنكس گەنناديي گولوۆكيننٸڭ ساۋل «كانەلو» الۆارەسپەن جەكپە-جەكتە نەگە جەڭٸسكە جەتە الماعانى تۋرالى پٸكٸرٸمەن بٶلٸستٸ, دەپ حابارلايدى Sports.kz.
«مەن ونىڭ ستيلٸن تٷبەگەيلٸ ٶزگەرتكٸم كەلمەيدٸ, تەك بٸراز نەرسەلەردٸ جاقسارتقىم كەلەدٸ. سٸز ەلدەنەنٸ ٶزگەرتكەن كەزدە جاڭا دٷنيەلەردٸ ٷيرەنۋٸڭٸزگە تۋرا كەلەدٸ, ال كٶزدەگەنٸڭٸز ويلاعانىڭىزداي بولماي قالسا, العاشقى باعىتىڭىزعا قايتا ورالاسىز. مەن دە ونىڭ ەۋ باستاعى ەدٸستەرٸن قولعا الىپ, سول جاعىن كٷشەيتكٸم كەلەدٸ. «كانەلومەن» العاشقى جەكپە-جەكتەن كەيٸن گەنناديي ەشتەڭە ٶزگەرتكەن جوق. مەنٸڭ ويىمشا, قانداي دا بٸر ٶزگەرٸستەردٸڭ جوقتىعى دا گەننادييدٸڭ كٷيرەۋٸنە الىپ كەلدٸ. «كانەلو» - مىقتى بوكسشى, ونىمەن جەكپە-جەك كەز كەلگەن ادام ٷشٸن اۋىر بولاتىنى سٶزسٸز. ول ماشىقتارى مەن ەپتٸلٸگٸنٸڭ ەسەبٸنەن بارلىعى ٷشٸن الدىرماس بوكسشى. مۇنداي قارسىلاسپەن ايقاستا بۇرىنعى جٸبەرگەن قاتەلٸكتەرگە تٷزەتۋلەر ەنگٸزٸلمەيتٸن بولسا, بٸزدٸڭ بۇرىنعى كٶرگەن جەكپە-جەگٸمٸز قايتالانۋى مٷمكٸن», - دەدٸ بەنكس Ring TV-گە بەرگەن سۇحباتىندا.
