Qazaqstandyq boksshy Gennadii Golovkin men japondyq Riota Mýrata 28 jeltoqsan kúni Tokioda orta salmaqtaǵy chempiondyq titýl úshin birlesken jekpe-jek ótkizetini týraly túbegeili kelisimge keldi. Bul týraly The Athletic málim etti, dep habarlaidy Sports.kz saity.
39 jastaǵy Golovkin (41-1-1, 36 KO) – IBF jáne IBO titýldarynyń iegeri, sońǵy aiqasyn 2020 jyldyń jeltoqsanynda ótkizdi. Jetinshi raýndta poliak Kamil Sheremetany tehnikalyq nokaýtpen jeńdi. Ol mansabynda bir-aq ret meksikalyq Saýl Alvaresten jeńilis tapqan.
35 jastaǵy Mýrata (16-2, 13 KO) – WBA nusqasy boiynsha álem sýperchempiony.
Budan erterek Golovkin men Mýratanyń bir kardta osy jyldyń tamyz-qyrkúiek ailarynda óner kórsetetini habarlanǵan bolatyn. Olardyń qarsylastarynyń aty áli jariia etilmedi. Al ekeýiniń jekpe-jegi áýelde Jańa jyl qarsańynda, iaǵni 31 jeltoqsanda bolady dep josparlanǵan.
