Orta salmaqta WBA (Super), IBO, WBC jáne IBF tujyrymdary boiynsha álem chempiony qazaqstandyq boksshy Gennadii Golovkin (37-0, 33 KO) men meksikalyq boksshy Saýl "Kanelo" Alvares (49-1-1, 34 KO) jekpe-jek aldynda finaldyq baspasóz konferentsiiasyn ótkizdi, - dep habarlaidy kaz.vesti.kz.
Golovkin promoýterlerge, demeýshiler men uiymdastyrýshylarǵa, sonymen qatar, HBO PPV telearnasyna alǵys bildirdi . "Bul boks úshin óte mańyzdy ýaqyt. Men kóp sóilegim kelmeidi. Men daiynmyn, Alvarestiń komandasyn qurmetteimin. Bul biz úshin mańyzdy kún! 16 qyrkúiekte T-Mobile arenasyna qosh keldińizder, bul iri ári tarihi jekpe-jek. 16 qyrkúiekte kezdeskenshe", - dedi Golovkin.
Alvares ózin qoldaǵan barlyq adamdarǵa alǵys bildirdi. "Sizder meni bilesizder: men kóp sóilei almaimyn. Meniń bar aitpaǵym - men daiynmyn. Jekpe-jektiń tym aýyr bolatynyn bilemin, biraq men oǵan daiynmyn. Sizder osy jekpe-jekten lázzat alsyn degen tilektemin. Senbide kezdeskenshe", - dedi Alvares.
Baspasóz konferentsiiasy aiaqtalǵannan keiin boksshylar kóz arbasty.
Eske salaiyq, Golovkin-"Kanelo" jekpe-jegi 16 qyrkúiek kúni Las-Vegastaǵy (AQSh, Nevada) T-Mobile Arena arenasynda ótedi.
